ကို ဂိုင်းမျိုး၊ ကိုစာအုပ် နှင့် ကျွန်တော်- စီးကရက်နှင့် ကွမ်းယာ
ဒီနေ့ မနက်ကျွန်တော်လက်ဖက်ရည်ဆိုင်ကိုရောက်တော့ ကိုဂိုင်းမျိုးရော ကိုစာအုပ်ပါရောက်နှင့် နေပြီ။ ကိုဂိုင်းမျိုးက ကျွန်တော့် အတွက် ထိုင်ခုံတစ်လုံးဆွဲပေးပြီး
ဂိုင်း- နောက်ကျလှချေလား။ လာထိုင်။
ကျွန်တော်- ဟုတ်တယ်ဗျ မနေ့က အိပ်ရာဝင်နောက်ကျလို့ အခုမှနိုးတယ်။
ဂိုင်း- ဒါဆိုလည်း လန်းဆန်းသွားအောင် ကျဆိမ့်လေးသောက်လိုက်။
ပြောပြောဆိုဆို သူက စာပွဲထိုးလေးကို လှမ်းခေါ်ပြီး ကျဆိမ့်တစ်ခွက်မှာသည်။ တစ်ဆက် ထည်း လန်ဒန် တစ်ပွဲပါမှာလိုက်သည်။ လက်ဖက်ရည်နှင့် လန်ဒန်ရောက်လာတော့ သူက စာပွဲထိုးလေးခါးမှ မီးခြစ်ကို ဖြတ် ခနဲဆွဲယူလိုက်ပြီး လန်ဒန်ကို မီးညှိလိုက်ပြီး အားပါးတရဖွာနေလေသည်။
စာ- ဟေ့ဂိုင်းမျိုး မင်းဆေးလိပ်မီးခိုးတွေက ငါ့ဆီရောက်လာပြီကွာ။ ငါက အလိုလိုနေရင်း စကင်း စမုတ်ကာ ဖြစ်နေပြီ။ ပတ်ဝန်းကျင်ကို ထိခိုက်တယ်ကွာ။
ဂိုင်း- အပိုတွေပြောမနေပါနဲ့ စာအုပ်ရာ ဒီလောက်နဲ့ ဘာမှ မဖြစ်ပါဘူး။
ကိုစာအုပ်မှာ ဆေးလိပ်လုံးဝ မသောက်ချေ။ ထို့အတူ ကွမ်းလည်းမစား။ အရက်လည်း မသောက်။ ဘာဆိုဘာ မှ မလုပ်ချေ။ ဘာဆိုဘာမှ မလုပ်ဟုဆိုချင်းမှာ ကျွန်တော့် အနေနှင့် ယောက်ကျားလေး ဆိုရင် တစ်ခုခုတော့ လုပ်သင့် သည်ဟုထင်သောကြောင့် ဖြစ်သည်။ ကျွန်တော်လည်း တစ်ခါတစ်လေ ဆေးလိပ်ဖွာသည်။ ကွမ်းစားသည့် သူနှင့် တွေ့လျှင်လည်း တစ်ယာ နှစ်ယာ စားဖြစ်လေသည်။ ဆရာကြီး ရွှေဥဒေါင်း၏ ယောက်ကျားဆိုတာ စုံမှ ဆိုတဲ့ စကားကို စွဲနေသောကြောင့် လားတော့ မသိ။
စာ- ခက်တာပဲ။ ခင်ဗျားတို့တွေ ဘာလို့များရောဂါကို ၀ယ်ယူချင်ကြလည်း မသိဘူး။ ဘာမှလည်း အကျိုးမရှိ။
ဂိုင်း- အကျိုးမရှိဘူးလို့ ဘယ်သူပြောလဲဗျ။ ကျွန်တော်တို့က စိတ်ခံစားမှု့ကို ဦးစားပေးတာ။ လူမှာ အဲဒါ အဓိကပဲ။
စာ- စိတ်ခံစားမှု့ဟုတ်လား။ နေပါဦး။ ဆေးလိပ်သောက်တာ ဘာများ စိတ်ခံစားမှု့ ပေးလို့တုံး။ ငါတော့ ဆေးလိပ်ဖြစ်ဖြစ် ကွမ်းဖြစ်ဖြစ် ဘာမှ ကောင်းတယ် မထင်ပေါင်။ အရေမရ အဖတ်မရနဲ့။
ဂိုင်း- ခင်ဗျား ဒါကို မကောင်းဘူးလို့ ဘယ်သူပြောလည်း။ ဒါတွေက တစ်ကယ်တော့ လူတိုင်း ကို စွဲသွားစေနိုင်တယ်။ ခင်ဗျားသိလား။ လူ့စိတ်က အရိုင်းစိတ်ဗျ။ အဲဒီ အရိုင်းစိတ်ကို အသိဥာဏ် ဆိုတာ နဲ့ ထိန်းချုပ်ထားလို့။ ခင်ဗျားကို လည်း ကွမ်းဖြစ်ဖြစ် ဆေးလိပ် ဖြစ်ဖြစ် တစ်ပတ်နှစ်ပတ် လောက်ပဲ နေ့တိုင်း သောက်ကြည့် စားကြည့်။ စွဲသွားစေရမယ်။ ဒါတွေက မကောင်းဘူးလို့ လူတွေက ယူဆထားလို့ ကိုယ့် စိတ်ကို ချိုးနှိမ်ထားလို့ ခင်ဗျား မစားတာလေ။ မကောင်းရင် ဘယ်သူက အလကား ပိုက်ဆံ အကုန် ခံပြီး စားမှာတုန်းဗျ။
စာ- ခင်ဗျားတို့က အဲဒါ အသိဥာဏ် မကြွယ်ဝသေးတာပဲ။ ခင်ဗျားသိလား။ အဲဒီ စီးကရက် ထုတ်တဲ့ နိုင်ငံခြား နိုင်ငံတွေက ဆေးလိပ်ကို ဒီလို ဈေးပေါပေါနဲ့ ရမယ်ထင်လား။ နေရာတိုင်းရော သောက်လို့ရမယ်ထင်လား။ စင်ကာပူမှာဆို စီးကရက် ဘယ်လောက် ဈေးကြီး သလဲ သိလား။ ပြီးတော့ စီးကရက် ဗူးခွံမှာ စီးကရက်ကြောင့် ဖြစ်တဲ့ ရောဂါပုံးဆိုးဆိုးဝါးဝါးပုံတွေကပ်၊ အခွန်အရမ်းကောက်၊ ပြီးတော့ နေရာတော်တော်များများမှာ ဆေးလိပ် မသောက်ရဇုံတွေလုပ်။ စားသောက်ဆိုင်တွေမှာ ဆေးလိပ်သောက် နိုင်တဲ့နေရာတွေကို စည်းဝိုင်းလေးဝိုင်း ဆေးလိပ်ခွက် အနေနဲ့ နို့ဆီဗူးခွံ အစုတ်ကို တင်ထား။ ဆေးလိပ် သောက်တဲ့သူ အတွက် လူ့အသိုင်းအ၀ိုင်းမှာ သီးသန့်ကြီး ဖြစ်နေအောင် ရှက်လာအောင် ကြိုးစား လုပ်ထား တာသိလား။ ကျွန်တော်တို့ နိုင်ငံတွေမှာ သာ ဒီလို လွပ်လွပ်လပ်လပ်သောက်လို့ ရနေတာ။
ကျွန်တော်- ဟုတ်လား ကိုစာအုပ်ရ။ အဲလိုကြီးလား။
စာ-ဒါပေါ့။ ကွမ်းဆိုပိုဆိုးသေး။ အခုဆို ကျွန်တော်တို့ နိုင်ငံတစ်နိုင်ငံပဲ ကွမ်းကို ကျယ်ကျယ်ပြန့်ပြန့် စားကြတော့ တယ်ထင်တာပဲ။ ကွမ်းစားတာ တအား ရုပ်ပျက်တာလေ။ နိုင်ငံခြားသား မြင်ရင် အထင်သေး စရာဗျ။
ဂိုင်း- အင်းကိုစာအုပ် ကိုစာအုပ်။ ခင်ဗျားတို့ က အနောက်တိုင်းက လူတွေကို ပဲ အထင်ကြီးတာကိုး။ သူတို့ လုပ်မှ အကောင်းထင်နေတာ။ ဒါလည်း အပြစ်တော့ မဟုတ်ပါဘူး။ မီဒီယာတွေက သူတို့ပဲ ကြီးစိုးထားတာကို။ ခင်ဗျား စဉ်းစားကြည့် တကယ်လို့ အမေရိကန်က လူတွေက ကွမ်း တစ်ပြစ်ပြစ်နဲ့ ဆိုရင် ခင်ဗျား ဒီလိုပြောဦးမလား ကြည့်ချင်သေးတယ်။ ပါးစပ်ကလေး နီနေတာ အရမ်း စမတ် ဖြစ်တာပဲ တောင် ခင်ဗျားလိုလူတွေက ပြောချင်ပြောဦးမှာ။
စာ- ဒါတော့ ခင်ဗျား သက်သက် ကပ်ပြောတာ။
ဂိုင်း- ကွမ်းစားတာ ရုပ်ပျက်တာဆိုတာ ကျွန်တော် လက်ခံပါတယ်။ ဒါပေမယ့် ဒါက ကျွန်တော်တို့ ယဉ်ကျေး မှု့ဗျ။ ရှေးတုန်းကတည်းက စားလာကြတယ်။
စာ- ဟာ ယဉ်ကျေးမှု့ ဆိုပြီး မကောင်းတာဆိုရင် ကော ခင်ဗျားက လက်ခံမှာလား။ ဥပမာ ပုဆိုးဝတ်တာ ကျွန်တော်တို့ ယဉ်ကျေးမှု့ ဒါပေမယ့် ဒါက နေရာတိုင်း အဆင်မပြေဘူး။ ဆောက်လုပ်ရေး ဆိုဒ်ထဲ မှာ တိုက် အမြင့် ကြီးတွေပေါ်မှာ အလုပ် လုပ်တဲ့ အလုပ်သမား တစ်ယောက် ဆိုရင် ပုဆိုးနဲ့ ဘောင်းဘီ ဘယ် ဟာဝတ်တာ ပို ဆေ့(ဖ်) ဖြစ်လဲ။ ယဉ်ကျေးမှု့ဆိုပြီး ခင်ဗျား ငြမ်းပေါ်ကို ပုဆိုးနဲ့ တက်မလား။
ဂိုင်း- ဒါကတော့ တစ်မျိုးလေ။ အဲလို တော့ ကျွန်တော် လည်း ဘယ်လုပ်ပါ့မလဲဗျ။ ဒါပေမယ့် ကျွန်တော် ကတော့ ကွမ်းစားတဲ့သူ ဆေးလိပ်သောက်တဲ့သူကို ခင်ဗျားလိုတော့ အထင်မသေးဘူး။ ကိုယ့် အကြိုက်နဲ့ကိုပဲ။
စာ- ဒါဆိုလည်း ခင်ဗျား အကြိုက်က သူများကို မထိခိုက်စေနဲ့လေဗျာ။ အခုဟာက ကျွန်တော့်ကို ထိခိုက်နေ ပြီ။
ဂိုင်း- ဒါဆိုလည်း ခင်ဗျားကို မထိခိုက်အောင် ကျွန်တော် ဟိုဘက်ဝိုင်းသွားသောက်မယ်ဗျာ။
ပြောပြောဆိုဆို ကိုဂိုင်းမျိုးက လက်ဖက်ရည်ခွက် လေးနဲ့ လန်ဒန်ပွဲလေးမပြီး ဘေးက လွတ်နေတဲ့ ၀ိုင်းမှာ ပြောင်းထိုင်လိုက်သည်။ ထိုနေ့ တော့ လက်ဖက်ရည်ဆိုင်က မပြန် မချင်း ကိုစာအုပ်က ဆေးလိပ်မကောင်း ကြောင်း ကွမ်း မစားသင့် ကြောင်း တစ်ချိန်လုံး ကျွန်တော့်ကို လက်ချာရိုက်နေပါတော့တယ်။
မိုးတိမ်ညို
