သူ့အမြင်ကိုယ့်အမြင်

(၁)

ရန်ကုန်မြို့တော်၏ ရပ်ကွပ်တစ်ခုအတွင်းမှ လမ်းသွယ်လေးတစ်ခုတွင် ခေတ်ဆန်ဆန်လူငယ်လေးတစ်ယောက် သည်ကျောပိုးအိတ်လေးလွယ်ကာ တစ်နေရာသို့ဦးတည်နေလေသည်။ ထိုအချိန်တွင် ကိုရင်နှင့် ဦးဇင်း ကြားအရွယ် လောက်ရှိ သင်္ကန်းဝတ် ကိုယ်တော်လေး တစ်ပါးသည် မချင့်မရဲဖြင့် ထိုသူငယ်လေး အနားကို ချည်းကပ် လာလေသည်။ ထိုနောက် မ၀ံ့မရဲလေသံလေးဖြင့်

“ဒကာလေး ဦးဇင်း နယ်ကလာတာပါ ပိုက်ဆံအိတ်ကျပျောက်သွားလို့ အဲဒါ..နေ့ဆွမ်းကလည်း မစားရသေးဘူး”

ထိုအခါထိုသူငယ်လေးသည် စိတ်မရှည်ဟန်ဖြင့် ပိုက်ဆံအိတ်ကို ထုတ်ကာ ဆယ်တန်တစ်ရွက် ကမ်းပေး လိုက်လေသည်။ ဦးဇင်းလေး၏ မျက်နှာမှာ အလွန်အမင်းပျက်သွားပြီး

“ဟာ နေနေ ဒကာရပါတယ်”

ဟုဆိုကာ ရှက်ကိုးရှက်ကန်း ခြေလှမ်းအမှားမှားနှင့် တက်သုတ်ရိုက်ထွက်သွားလေသည်။ ယခုခေတ်တွင် တစ်ဆယ်ဆိုသည့်ပိုက်ဆံမှာ သူတောင်းစားတောင် လက်မခံချင်တော့သော ပိုက်ဆံ ဖြစ်သောကြောင့်ပင်တည်း။

*******************************************************************
(၂)


အထက်ပါဖြစ်ရပ်ကို မိတ်ဆွေဖတ်ရှု့မိပါက အဆိုပါကောင်လေးကို အလွန်ရိုင်းစိုင်းသော ကောင်လေးဟု ထင်ကောင်းထင်ပါလိမ့်မည်။ ဦးဇင်းလေးကို သနားကောင်း သနားမိလိမ့်မည်။ သို့သော်လည်း အကြောင်းစုံကို အရင်တင်ပြခွင့်ပြုပါ။ ပြီးမှ မိတ်ဆွေကောက်ချက်ချကြည့်ပါလို့ အကြံပြုလိုပါတယ်။

ကျွန်တော်လည်း ထိုဖြစ်ရပ်ကို မလှမ်းမကမ်းမှ မြင်တွေ့လိုက်ပါသည်။ အဆိုပါကောင်ကလေးကိုလည်း ရပ်ကွပ်တည်းကမို့ အတန်ငယ်မျက်မှန်းတန်းမိနေပါသည်။ သို့ကြောင့် နောက်ရက်တွင် ထိုကောင်လေး နှင့် လက်ဖက်ရည်ဆိုင်မှာ ဆုံသော အခါတွင် မေးကြည့်မိပါသည်။

“ဟုတ်တယ်ဦးလေးရေ ကျွန်တော်လည်း စိတ်မကောင်းပါဘူးဗျာ။ ကျွန်တော့်လုပ်ရပ်က ရိုင်းသလိုဖြစ်သွားတယ် ထင်တယ်။ ဒါလည်း အကြောင်းရှိတယ်ဦးလေးရေ။ ဒီလိုဗျ”

အောက်ပါအကြောင်းအရာများမှာ အဆိုပါကောင်လေး ပြန်လည်ပြောပြသော အကြောင်များဖြစ်ပါသည်။
**************

(၃)


ဒီလိုဗျ။ ကျွန်တော်တစ်ခါက မြို့ထဲကို အသွား လမ်းမှာ ဦးဇင်းတပါးတွေ့တယ်။ သူကနေ့ဆွမ်းမစားရသေးလို့ ဆိုပြီးတော့ အလှူခံလို့ ကျွန်တော်က ကျွန်တော်ရတဲ့ မုန့်ဖိုးထဲက ငါးရာလှူလိုက်တယ်။ ညနေကြတော့ ကျွန်တော် မြို့ထဲက ပြန်လာတော့ လမ်းက ဘီယာဆိုင်တစ်ဆိုင်မှာ အဲဒီဦးဇင်းကို လူဝတ်နဲ့တွေ့တယ်ဗျာ။ ဦးထုတ်လေးဆောင်းလို့။ ဘာလို့ အတိအကျမှတ်မိသလဲဆိုရင် သူ့မျက်နှာမှာ အမှတ်တစ်ခုပါတယ်လေ။

နောက်တစ်ခါက ကိုရင်လေးတစ်ပါး။ ကျွန်တော် လက်ဖက်ရည်ဆိုင်ထိုင်နေတုံး သပိတ်ပိုက်ပြီး အနားလာရပ်တယ်။ ကျွန်တော်လည်း ကန်တော့ပါသေးရဲ့လို့ ပြောမိတယ်။ အဲဒါကို သူကဘုကြည့်ကြည့်ပြီး ပေကပ်ကပ်နဲ့ ဆက်ရပ်နေတယ်ဗျာ။ ကျွန်တော်က ကိုရင် ကန်တော့ပါသေးရဲ့လိုပြောတာကြားလား ဆိုတော့လည်း မရဘူးဗျာ။ အနားမှာပဲ ရပ်နေတယ်။ ဘယ်လောက် စိတ်အနှောက်အယှက်ဖြစ်စရာကောင်း လည်းဗျာ။ တော်တော်ကြာမှ မကျေမနပ်နဲ့ထွက်သွားသေး။ ယုံချင်ယုံ မယုံချင်နေ။ မကြားတစ်ကြားတောင် ဆဲသွားသေးတယ်။ အဲဒီ ကတည်းက သင်္ကန်းဝတ်ကို ကြောက်သွားတာ။ အခုကိစ္စကတော့ ရုတ်တရက်ဆိုတော့ ဗျာ အရင်ကအရှိန်နဲ့ ပေါင်းပြီး ရိုင်းသလိုဖြစ်သွားတယ်။ ကျွန်တော်လည်း တွေးမိတိုင်းစိတ်မကောင်းဘူး။ အဲဒီ ဦးဇင်းလေးကများ အတကယ့် အမှန်အကန် ဦးဇင်းလေးဆိုရင်တော့ တော်တော်ခံစားသွားရမှာပဲ

**********************
(၄)


ဦးဇင်းလေး ဦးကောဝိဒသည် ငယ်ဖြူကလေး ဖြစ်သည်။ ငယ်စဉ်ကတည်းက မိဘနှစ်ပါး မရှိတော့ သဖြင့် ရွာဦးကျောင်းမှာပဲ ကိုရင်ဝတ်နှင့်နေလေသည်။ ထိုနောက် ဦးဇင်းလေးဖြစ်လာလေသည်။ ဦးဇင်းလေးသည် ငယ်ငယ်ကတည်းက မြို့ကိုတစ်ခေါက်မှ မရောက်ဘူး။ ယခု ဆရာတော်နေမကောင်း၍ ရန်ကုန်ဆေးရုံကြီးတွင် လာရောက်ကုသသောအခါမှ ရန်ကုန်သို့ ဆရာတော်၏ ဒကာများနှင့်အတူရောက်လာလေသည်။

တစ်နေ့တွင်ဆရာတော်ကို အခြားစောင့်မည့်သူများရှိသဖြင့် ခွင့်ပန်ပြီး မြို့ထဲသို့ ထွက်လာခဲ့သည်။ မရောက်ဖူးသဖြင့် သူ့အတွက်တော့ အထူးအဆန်းချည်းပဲ ဖြစ်နေသည်။ တစ်နေရာအရောက်တွင် ဘက်(စ်)ကား ပေါ်မှ အဆးင်းတွင် သူ့၏ပိုက်ဆံအိတ်မရှိတော့တာ သတိထားမိသည်။ ဦးဇင်းလေး အလွန်တုန်လှုပ်သွားသည်။ ရန်ကုန်မြို့ကြီးထဲတွင် ပိုက်ဆံမရှိပဲ သူဘယ်လိုပြန်ရပါ့မလဲ။ သူတစ်စုံတစ်ယောက်ကို အကူအညီတောင်းရန်ဆုံးဖြတ်ခဲ့လေသည်။

သနားကမားနှင့် ရည်မွန်ဟန်ရှိသော သူငယ်လေးထံသို့ ဦးဇင်းလေး ချည်းကပ်ပြီး အလှူခံခဲ့လေသည်။ သို့သော်လည်း သူ ခါးသီးရက်စက်သော တုန့်ပြန်မှု့ကိုသာရခဲ့လေသည်။ အဲဒီနေ့က သူအခြားမည့်သည့် အကူအညီမှ မတောင်းခံရဲတော့ပဲ ဆေးရုံအထိ ခြေလျှင်လျှောက်ပြန်ခဲ့လေသည်။

ရွာပြန်ရောက်တော့ ရွာမှ တကာများကို ရန်ကုန်အတွေ့ အကြုံကို နာကြည်းစွာပြန်ပြောပြလေသည်။

“မလွယ်ပါဘူး ဒကာတို့ရာ ရန်ကုန်မြို့ကြီးက လူတွေက အတော်ကြောက်စရာကောင်းပါတယ်။ ကျုပ်အလှူခံတာကို ကျုပ်ကို သူတောင်းစားတစ်ယောက်လို သဘောထားတယ်လေ။ ရန်ကုန်မြို့ကြီးတော့ ကြောက်ပါပြီ ဒကာတို့ရာ”

***********************************
(၅)


အထက်ပါအကြောင်းအရာများကို အကြောင်းစုံသိရှိပြီး ကျွန်တော် အဖြစ်အပျက်ကို သေချာစဉ်းကြည့်ပြီး သက်ပြင်းချမိပါသည်။ သူ့ရှု့ဒေါင့်နှင့်သူတော့ မှန်နေကြတာလေပဲ ဟုသာ ထင်မိပါသည်။


ဇူလိုင်၊၂၀၀၉။
မိုးတိမ်ညို
ီ