Friday, May 22, 2009

ကျွန်တော်လွဲခဲ့ဖူးသော အကြောင်း

အခုကျွန်တော်ပြောချင်တာက ကျွန်တော်လွဲခဲ့ဖူးတဲ့ အကြောင်းဗျ။ ခက်တာက အဲလိုလွဲခဲ့လို့ ဘယ်သူ့ကို အပြစ်တင်ရမလဲ ဆိုတာ အခုထိမသိဘူး။ ထားပါတော့ ကျွန်တော် အဓိကအကြောင်းကို ပြောပြပါမယ်။ ပြီးမှ မိတ်ဆွေဘာသာသုံးသပ်ပေါ့။ ဒီလိုဗျ။ ကျွန်တော် အကြားအမြင်ရလို့လွဲခဲ့တာ။ အင်းနားရှုပ်စရာတော့ ဖြစ်ကုန်တော့မှာပဲ။ အကြားအမြင်ရနေမှတော့ ဘယ်လိုလုပ်လွဲမှာတုံးလို့တော့ အပြစ်တင်မစောလိုက်နဲ့ဦး။ ဇာတ်လမ်းကို ဆုံးအောင် နားထောင်ပါဦးလေ။ ခင်ဗျားလည်း ခေါင်းရှုပ်သွားစေရမယ်လို့ အာမခံပါတယ်။

ကျွန်တော် ထူးထူးဆန်းဆန်းအကြားအမြင်ရခဲ့ဘူးတယ်ဗျ။ ပထမဆုံးစတာကတော့ ကျွန်တော်တို့ ရပ်ကွက်ထဲက ဦးမောင်ကိုဆိုတာနဲ့စတာ။ တစ်ရက်တော့ ကျွန်တော်အိပ်မက်တစ်ခုမက်တယ်။ အဲဒီ ဦးမောင်ကိုကြီး နဖူးပေါက်လို့တဲ့။ ပေါက်တာက နဖူးညာဖက်နား တစ်လက်မလောက်ပြဲသွားတာတဲ့။ အိပ်မက်ထဲမှာ အဲဒီလို အတိအကျဗျ။ ဒါပေမယ့် ကျွန်တော်လည်း အိပ်မက်ဆိုတော့ သိပ်အလေး မထားပါဘူး။ ဖာသိဖာသာပဲပေါ့။ ဖြစ်ချင်တော့ နောက်ရက်ကျတော့ ဦးမောင်ကိုကြီးက လမ်းလျှောက်ရင်းနဲ့ အိမ်ရှေ့မှာ အဖေနဲ့တွေ့လို့ ရပ်စကားပြောနေပါရောဗျာ။ အိမ်ရှေ့က အုန်းပင်အောက်မှာ။ အုန်းပင်ပေါ်မှာလည်း အုန်းသီးခြောက်တွေ ရှိနေသေးတယ်။ ကျွန်တော်လည်း ဖျတ်ခနဲဆို အိမ်မက်ကို သွားသတိရလိုက်တယ်။ အင်း အခုနေ အုန်းသီးများကြွေကျလိုက်လို့ကတော့လို့ တွေးမိတယ်။ ဒါပေမယ့် ဘာမှတော့ မပြောဖြစ်လိုက်ပါဘူး။ အဲခဏနေတော့ ကျွန်တော်ထင်တဲ့ အတိုင်းအတိအကျဗျာ။ အုန်းသီးခြောက်က ဦးမောင်ကို ခေါင်းပေါ်ကို တည့်တည့်ကြွေကျတာ နဖူးကွဲပါလေရော။ ကွဲတာမှ ကျွန်တော့် အိမ်မက်ထဲက အတိုင်း ညာဘက် နဖူး တစ်လက်မလောက် အတိအကျဗျာ။ ကျွန်တော်လည်း နည်းနည်းတော့ ဇဝေဇ၀ါဖြစ်သွားတယ်။ ဘာဖြစ်လို့ ငါအိမ်မက်နဲ့ လာတူနေရတာလဲပေါ့။ ဒါပေမယ့် တိုက်ဆိုင်တာနေမှာပါလေဆိုပြီးပဲ ထားလိုက်တယ်။

နောက်တစ်ခါကျတော့လည်း ဟိုဘက်လမ်းက လူပျိုကြီး ကိုလှဘော် သူ့အိမ်ရှေ့ လှေခါးထစ်မှာ ထိုင်ငိုနေတယ် လို့ အိပ်မက် မက်တယ်။ ဒါကတော့ မဖြစ်နိုင်ဘူးလို့ ကျွန်တော်ကထင်တာလေ။ သူကလူပျိုကြီး တစ်ယောက်ထဲ နေတာ။ ပိုက်ဆံလည်း ချမ်းသာတယ်။ အပူအပင်လည်း မရှိဘူး။ ယောက်ကျားလည်း ယောက်ကျားဗျာ။ အဲဒီတော့ အိမ်ရှေ့ လှေခါးထစ်မှာ ထိုင်ငိုစရာအကြောင်းကို မရှိဘူးထင်တာ။ ဒါပေမယ့် အဲဒီနေ့ မနက် ကျွန်တော်သူ့အိမ်ရှေ့က ဖြတ်တော့ ဗျာ အံ့သြစရာ တကယ်ကို သူက အိပ်မက်ထဲကတွေ့တဲ့နေရာ မှာထိုင်ငိုနေတာဗျာ။ သူ့အိမ်မနေ့ညက သူခိုး အခိုးခံရလို့တဲ့။ အတွင်းပစ္စည်းတွေ အကုန်ပါသွားဆိုပဲ။ အဲဒီမှာ ကျွန်တော်တော်တော်အံ့သြသွားတယ်။ တိုက်ဆိုင်တာတော့ မဟုတ် လောက်တော့ ဘူးလို့ထင်လာတယ်။

ဒါနဲ့ အဲဒီလို အသေးအဖွဲလေးတွေ နောက်ထပ် လေးငါးခုလောက်ထပ် တွေ့ရသေးတယ်ဗျ။ စာရှည်နေမှာစိုးလို့ မပြောတော့ဘူး။ အားလုံးမှန်တာကြည့်ပဲ။ အဲဒီတော့ ကျွန်တော့်ကိုကျွန်တော် အကြားအမြင်ရနေတယ် လို့ပြောရင်မလွန်လောက်ပါဘူးနော်။ ဒါပေမယ့် ကျွန်တော်ဘယ်သူ့မှ မပြောသေးဘူး။ သေချာအောင်လုပ်ရ ဦးမယ်လေ။ ဒီတစ်ခါတော့ ဒုက္ခရောက်မယ့်သူဆိုရင် ကူညီမယ်လို့ စိတ်ကူးထားတာဗျာ။

အဲဒီအခေါက်က နောက်ဆုံးအခေါက် အကြားအမြင်ရတဲ့ အခါပေါ့ဗျာ။ အိပ်မက်ထဲမှာ အမေက အိမ်ရှေ့က ထိုင်ခုံမှာ ထီတိုက်နေရင်းနဲ့ ဟယ် သိန်း ငါးရာ ဆုပေါက်တယ်တော့လို့ ၀မ်းသာအားရထအော်တယ်တဲ့။ မနက်အိပ်ယာကနိုးလာတော့ ကျွန်တော် တော်တော်လေး စိတ်လှုပ်ရှားနေတယ်။ စိတ်လှုပ်ရှားတာပေါ့ဗျ သိန်းငါးရာဆိုတာ နည်းနည်းနောနောမှ မဟုတ်တာ။ ရက်ကို ကြည့်လိုက်တော့ ထီဖွင့်ဖို့က နှစ်ရက်ပဲလို တော့တယ်။ ဟာနှစ်ရက်အတွင်းမှာ သိန်းငါးရာရတော့ မှာပါလားလို့ တွေးမိရင်း ရင်ခုန်နေရတာပေါ့ဗျာ။ အဲဒီအချိန်မှာ ကျွန်တော်တစ်ခုသတိရသွားတာက အမေဒီလ ထီထိုးဖြစ်လား မထိုးဖြစ်ဖူးလားဆိုတာပဲ။ ကံကထီပေါက်မယ်ဆိုပေမယ့် ကိုယ်ကတော့ အနည်းဆုံး ဥာဏ်နဲ့ ၀ိရိယ စိုက်ပြီး ထီတော့ ထိုးရမှာပေါ့ မဟုတ်ဘူးလား။ ဒါကိုကြိုသိနေမှတော့ မထိုးဖြစ်သေးရင် ထိုးဖြစ်အောင်လုပ်ရမှာပေါ့လို့ ကျွန်တော်တွေးမိတယ်။ ကျွန်တော်ထင်ပါတယ်။ ခင်ဗျားလည်း ကျွန်တော့်လိုပဲ စဉ်းစားမှာပါ။

ဒါပေမယ့် အမေ့ကိုလည်း ပေါ်တင်တော့ မပြောချင်သေးဘူး။ မသိမသာလေး မေးကြည့်ဦးမှဆိုပြီး အမေ့ကို မေးဖြစ်တယ်။

“အမေ ထီထိုးပြီးပြီလား”

အမေကအဲဒီကျမှ သတိရသွားတဲ့ ပုံစံနဲ့

“ဟယ် ဟုတ်ပါ့ မထိုးရသေးဘူး ထီဖွင့်ဖို့တောင် နှစ်ရက်ပဲလိုတော့တာပဲ”

“အဲဒါဆိုကျွန်တော် အခုမြို့ထဲသွားမလို့ ထီထိုးခဲ့လိုက်မယ် ပိုက်ဆံပေးလိုက်”

ကျွန်တော်ကကျွန်တော့် အကြံနဲ့ကျွန်တော်လေ။ အမေ့ဆီက ပိုက်ဆံတောင်းရတာကလည်း အကြောင်းရှိတယ်။ အိပ်မက်က အမေပေါက်တယ် လို့ မက်တော့ အမေထိုးမှ ဖြစ်မှာလို့ ကျွန်တော်ယူဆတယ်လေ။ အဲဒါကြောင့် အမေ့ဆီက ပိုက်ဆံတောင်း ရတာ။ တိုတိုပြောရရင်အဲဒီနေ့က ထီထိုးပြီး ကျွန်တော် ကောင်းကောင်းအိပ်မပျော်ဘူး။ ရင်ခုန်လွန်းလို့။ ထီထွက်မယ့်နေ့ ရောက်တော့ နေမထိထိုင်မသာပဲ။ တကယ်ကို။

ထီထွက်မယ့်နေ့လည်းရောက်ရော ကျွန်တော်ကောင်းကောင်းကို မထိုင်နိုင်ဘူး။ အမေက ဈေးက အပြန် ထီပေါက်စဉ်ကြီးဝယ်လာပြီး ကျွန်တော့် အိပ်မက်ထဲမြင်တဲ့ ထိုင်ခုံမှာ ထီတိုက်နေလိုက်တာတွေ့တော့ ကျွန်တော့ နှလုံးက အပြင်ပေါက်ထွက်မလားကို ထင်ရတယ်။ ခုန်လွန်းလို့။ အဲဒါနဲ့ အခန်းထဲမှာ သွားပြီး စောင်ကို ခေါင်းမူးခြုံနေလိုက်တယ်။ ဘယ်အချိန် အမေ ထအော်သံကြားရမလဲလို့ပေါ့။ တော်တော်သာကြာ သွားတယ် ဘာသံမှ မကြားရဘူးဗျာ။ ကျွန်တော်နည်းနည်းတော့ သံသယဖြစ်လာတယ်။ သိန်းငါးရာ ပေါက်တာများ အမေတွေ့ပြီးတော့ မူးများလည်းသွားသလားပေါ့။ မနေနိုင်ပဲ ထကြည့်မိတယ်။ အမေက ထီပေါကစဉ်ကြီးချပြီး ပေါက်ပါဘူးအေ လို့ တစ်ခွန်းပဲ ပြောပြီး မီးဖိုဘက် ထွက်သွားတယ်။ ကျွန်တောလည်း ဇဝေဇ၀ါ ဖြစ်သွားတာပေါ့။ ဒီတစ်ခါ ဘာဖြစ်တာလဲဟပေါ့။ အိပ်မက် ကအသေအချာကြီးပဲကို။ ကျန်တာတွေကျတော့ မှန်ပြီးတော့ ဒါကျမှ မမှန်ဘူးလား။

အဲဒီအချိန်မှာပဲ ဘေးအိမ်ကကိုထွန်းအောင်တို့ရဲ့ အော်သံကြားရတယ်။ ဟေး သိန်းငါးရာပေါက်တယ်ကွတဲ့။ ခဏနေတော့ ကိုထွန်းအောင်ရဲ့ သားလေးက အိမ်နီးချင်းတွေကို လိုက်အော်ပြောနေတယ်။ သားတို့ သိန်းငါးရာ ပေါက်တယ်တဲ့။ အမေလည်း အသံကြားလို့နေမှာ မီးဖိုထဲပြေးထွက်လာပြီး ကိုအောင်မိန်းမကို လှမ်းမေးနေတယ်။ ပြီးတော့မှ ငိုရမလို ရယ်ရမလို မျက်နှာနဲ့ ကျွန်တော့်ကို လှည့်ပြောတယ်လေ။

အမေပြောလိုက်တဲ့ စကားကို ကြားလိုက်ရတဲ့ အချိန်မှာတော့ ကျွန်တော်တစ်ခါတည်း ရူးသွားရင်ကောင်းမှာပဲလို့တောင်တွေးမိပါရဲ့။ အမေပြောလိုက်တာက

“ဟယ် ကံများထူးဆန်းလိုက်တာ။ သူတို့ဝယ်တဲ့ ထီက စက်ဘီးနဲ့ လိုက်ရောင်းနေတဲ့ ထီသည်လေ။ အရင်က ငါဝယ်နေကျ။ အဲဒီနေ့က သူက သုံးစောင်ပဲ ကျန်တော့တာ ၀ယ်ပါဦးလို့ ငါ့ဆီကို အတင်းလာရောင်း တယ်လေ။ အဲဒီအချိန်က မင်းက ထီဝယ်မယ်ဆိုပြီး သွားဝယ်နေတဲ့ အချိန်။ ဒါနဲ့ ငါလည်း မ၀ယ်တော့ ဘူးပြောလိုက်တာ။ သူကတော်တော်ကြာအောင် ၀ယ်ဖို့ပြောနေသေးတယ်။ မင်းသာ ထီသွားမ၀ယ်သေးရင် သေချာပေါက် ၀ယ်ဖြစ်တယ်။ ငါမ၀ယ်တာ နဲ့သူလည်း ကိုထွန်းအောင်တို့အိမ်သွားရောင်းတာလေ။ အဲဒါနဲ့ ကိုထွန်းအောင်အမျိုးသမီးက ၀ယ်ဖြစ်သွားတာ။ အမလေး ကံများပြောပါတယ်” တဲ့။

ကဲမိတ်ဆွေ။ ကျွန်တော့် အဖြစ်ကို ဘယ်လိုများ မှတ်ချက်ပေးချင်ပါသလဲဗျာ။ ကျွန်တော့်နေရာမှာ ခင်ဗျားဆိုရင် ဘယ်လိုခံစားရမလဲ။ ကျွန်တော်လောင်းရဲပါတယ်။ ခင်ဗျားလည်း ကျွန်တော့်လိုပဲ လုပ်မှာပဲ။ ဟုတ်တယ်မဟုတ်လား။အကြားအမြင်များ မရခဲ့ရင်ကျွန်တော် တို့ အခု သိန်းငါးရာပေါက်ပြီး အဆင်ပြေနေလောက်ပြီလို့ဗျနော်။ အဲဒီနေ့က စပြီး ကျွန်တော်လည်း ဘာအကြားအမြင်မှ မရတော့ ပါဘူး။ အဲရလည်း မရချင်တော့ပါဘူး။

အဲဒီတော့ ကျွန်တော် အကြားအမြင်ရလို့ သိန်းငါးရာဆုနဲ့ လွဲခဲ့ဖူးတယ်ဗျာ လို့ပြောရတော့မှာပဲ။

မေ၊၂၀၀၉။
မိုးတိမ်ညို

Read More...

Saturday, May 16, 2009

Butterfly effect နှင့် အကြောင်းအကျိုး

Butterfly effect ဆိုတာ ကြားဖူးကြမှာပါ။ သီအိုရီတစ်ခုပေါ့။ ကမ္ဘာ့တစ်ဖက်ခြမ်းမှာ လိပ်ပြာတောင်ပံခတ် တဲ့ အဖြစ်ဟာ အခြားတစ်ဖက်မှာ ဆိုင်ကလုန်း မုန်တိုင်းကြီး တစ်ခုတိုက်နိုင်သည် ဟု ဆိုလိုခြင်းဖြစ်သည် ဟု ဖတ်ဖူးပါသည်။ ဤသို့ဆိုလျှင် အောက်ပါအကြောင်းအရာကို ဖတ်ကြည့်ပါ။

“မြောက်ကိုရီးယားမှ ဒုံးပျံပစ်လွတ်ခြင်းကြောင့် လှိုင်သာယာ မီးကွက်ဈေးအနီးမှ ဆိုက်ကားဆရာတစ်ဦး ခြေထောက်ကျိုးသွားခြင်း”

အထက်ပါခေါင်းစဉ်ကို မြန်မာနိုင်ငံရှိဂျာနယ်တစ်ခုတွင် တွေ့လိုက်ရလျှင် မိတ်ဆွေ ပြုံးကောင်းပြုံးလိမ့်မည်။ ဘာဆိုင်လို့တုန်းကွာဟု မှတ်ချက်ချချင် ချလိမ့်မည်။ ရှင်းပါမည်။ ဆန္ဒ မစောပါနှင့်ဦး။ အဖြစ်က ဤသို့ ဖြစ်လေသည်။ မြောက်ကိုရီးယားမှ ဒုံးပျံလွတ်သည့် သတင်း ယနေ့ထုတ် ဂျာနယ်တစ်စောင်တွင် ပါလာလေသည်။ ဆိုက်ကားစီးသူတစ်ဦးမှ ထိုဂျာနယ်ကို ၀ယ်လာပြီး ဆိုက်ကားပေါ်တွင် လှန်လှော ဖတ်ရှု့နေလေသည်။ ထိုသတင်းကို အရောက်တွင် ခရီးသည်က ဆိုက်ကားဆရာအား “ဟာ မြောက်ကိုးရီး ယားကတော့ ဒုံးပျံလွတ်လိုက်ပြီတဲ့“ ဟုပြောရာ ဆိုက်ကားဆရာက ဟုတ်လားဟု ဆိုကာ ဂျာနယ်ကို စိတ်ဝင်တစား စောင်းငဲ့ကြည့်လိုက်လေသည်။ ထိုအချိန်တွင် လမ်းတစ်ဖက်မှ ကွေ့လာသော ကားတစ်စီးကို ဆိုက်ကားဆရာ သတိမထားမိဖြစ်သွားသည်။ ထို့ကြောင့် ထိုကားနှင့် မလွတ်ပဲ ဆိုက်ကားနှင့် ပွတ်ဆွဲမိသွားကာ ဆိုက်ကားမှာ မြောင်းထဲသို့ထိုးကျကာ ဆိုက်ကားဆရာ ခြေတစ်ဖက်ကျိုးသွားလေသည်။ ထိုကြောင့် မြောက်ကိုရီးယားမှ ဒုံးပျံလွတ်သောကြောင့် ဆိုက်ကားဆရာ ခြေကျိုးသွားသည် ဟု ဆိုလျှင် လွန်မည် မထင်ပါ။

မိတ်ဆွေကတော့ ကတ်သီးကက်သတ်ဗျာဟု ထင်ချင်ထင်ပါလိမ့်မည်။ ဤကိစ္စနှစ်ခုသည် တိုက်ရိုက် မဆိုင်သော်လည်း ဆိုင်သည်ဟု ပြောလို့ရပါသည်။ အကယ်၍ မြောက်ကိုရီးယားက ဒုံးပျံမလွတ်ခဲ့လျှင် ခရီးသည်က ဂျာနယ် မ၀ယ်ခဲ့လျှင် ခရီးသည်က ဂျာနယ်ထဲမှ သတင်းဖတ်ပြစဉ် ဆိုက်ကားဆရာက စိတ်ဝင်စားမှု့ မရှိခဲ့လျှင် ထိုကဲ့သို့ ခြေကျိုးမည် မဟုတ်ပါ။ အကြောင်းပေါင်းများစွာ (causes) တိုက်ဆိုင်၍ အကျိုး (effect) တစ်ခုဖြစ်လာရခြင်းဖြစ်ပါသည်။ ထိုအကြောင်းပေါင်းများစွာထဲမှ တစ်ခုခုသည် မဖြစ်ခဲ့လျှင် ထိုအကျိုးလည်း ဖြစ်လာမည် မဟုတ်ဟု ထင်ပါသည်။

ရုရှစာရေးဆရာကြီး လီယိုတော်စထွိုင်း၏ စစ်နှင့်ငြိမ်းချမ်းရေးဝတ္ထုထဲတွင် ဖော်ပြခဲ့သလို အဖြစ်အပျက်ကြီး တစ်ခုသည် သန်းပေါင်းများစွာ အဖြစ်အပျက် အသေးလေးများ စုပေါင်းပြီး ဖြစ်ပေါ်လာသည် ဟု ဆိုရမည် ဖြစ်လေသည်။အကြောင်း (cause) ကြောင့်အကျိုး (effect) ဖြစ်သည်ဆိုသည်မှာ လည်းထိုသဘောမျိုးပင် ဖြစ်မည်ဟု ထင်ပါသည်။ ဒီအကြောင်း (cause) ကြောင့် ဒီအကျိုး (effect) ဖြစ်သည်ဟု ဆိုရလောက်အောင် မရိုးရှင်းပဲ သန်းပေါင်းများစွာသော အကြောင်းများကြောင့် အကျိုးတစ်ခုဖြစ်သည်။ ထိုဖြစ်ပေါ်လာသော အကျိုးသည်လည်း နောက်ထပ်အကျိုးတစ်ခုဖြစ်စေရန် စုပေါင်းသော သန်းပေါင်းများစွာသော အကြောင်းတစ်ခုထဲ တွင် ပြန်လည်ပါဝင်သွားမည်ဟု ယူဆပါသည်။

ဥပမာတစ်ခု စဉ်းစားကြည့်ရအောင်ဗျာ။ မောင်ဖြူသည် ကုမ္မဏီတစ်ခုတွင် အလုပ်ရလေသည်။ သူအလုပ်ရသည့် အကြောင်းအရင်းမှာ သူဌေးနှင့် သူ့၏ဖခင်သည် ယခင်က မတော်တဆသိကျွမ်းဖူးခြင်း ကြောင့်ဖြစ်သည်။ သူတို့ဖခင်နှင့်ထိုသူဌေးသည် ရန်ကုန်မှမန္တလေးသို့သွားသော ကားပေါ်တွင် ခုံချင်းကပ်လျှက်ထိုင်မိသောကြောင့် သိကျွမ်းလာခဲ့ခြင်းဖြစ်လေသည်။ ထိုသို့ဆိုလျှင် မောင်ဖြူ၏အဖေ ထို ခရီးစဉ်ကို မသွားလျှင် မောင်ဖြူထိုအလုပ်ကိုရရန် မသေချာ။ ထိုခရီးစဉ်ကိုသွားရန် လက်မှတ်ဝယ်ခဲ့သော မောင်ဖြူအဖေ၏ တပည့်သည် လက်မှတ်ကို မှောင်ခိုမှ မ၀ယ်ပေးခဲ့လျှင် ထိုနေ့က မောင်ဖြူ၏ အဖေသွားဖြစ်မည် မဟုတ်သဖြင့် ထိုသူဌေးနှင့် ရင်းနှီးရန် အခွင့်အရေးရမည် မဟုတ်။ မောင်ဖြူလည်း မလုပ်ရမည် မဟုတ်သဖြင့် မောင်ဖြူ အဖေ၏ တပည့်လေးကလည်း မောင်ဖြူအလုပ်ရဖို့ အရေးကြီးလေသည်။ ဒါတင်မကသေးပါ။ ဆက်ပြီးစဉ်းစားလိုပါသေးလျှင် ထိုနေ့က မှောင်ခိုလက် မှတ်ရောင်းသူသည် မင်္ဂလာဆောင်တစ်ခုကို မသွားပဲအလုပ်ဆင်းသဖြင့် ထိုလက်မှတ်ကို ၀ယ်နိုင်ခြင်းဖြစ်သည်။ ထိုသို့စဉ်းစားလျှင် မှောင်ခိုလက်မှတ်ရောင်းသူသည်လည်း အရေးပါသောနေရာတွင် ရှိနေပြန်ပါသည်။ ထိုသို့ မသွားဖြစ်ရသည် အကြောင်းအရင်မှာ သူ့မိန်းမကမသွားလို့၍ဖြစ်သည် ဟုဆိုလျှင် ထိုသူ၏မိန်းမသည်လည်း အရေးကြီးသော နေရာတစ်ခုတွင်ပါလာပြန်ပါသည်။ တော်လောက်ပါပြီ။ ဆက်စဉ်းစားလျှင်ပြီးတော့မည် မဟုတ်ပါ။ ထို့ကြောင့် မည်သည့် အဖြစ်အပျက် တစ်ခုအတွက်မဆို ထိုအဖြစ် အပျက်ကို ဖြစ်စေနိုင်သော အကြောင်းအရာလေးအားလုံးက အရေးကြီးသည်ဟု ဆိုနိုင်ပါသည်။

Butterfly effect ဆိုသည်မှာလည်း ထိုသဘောမျိုးခပ်ဆင်ဆင်သာ ဖြစ်သည်ဟု ယူဆပါသည်။

ဗိုလ်ချုပ်အပါအ၀င် အာဇာနည်များလုပ်ကြံခံရပုံကို အနည်းငယ်စဉ်းစားကြည့်ပါ။ တခြားကိစ္စများကို မစဉ်းစားပဲ ရိုးရိုးလေး စဉ်းစားကြည့်ကြပါစို့။ အကယ်၍ လူတစ်ယောက် (လုပ်ကြံသေနတ်ပစ်သူ) ၏လက်ညှိုးလေးတစ်ချောင်း ကွေးလိုက်ခြင်းကြောင့် လူပေါင်း သန်းပေါင်းများစွာ အတိဒုက္ခရောက်ရသည် ဟုဆိုလျှင်ကော။ ရာနုန်းပြည့် မှန်သည်ဟု မဆိုနိုင်သော်လည်း မှားသည်ဟု တော့မငြင်းနိုင်ဟု ထင်ပါသည်။


ပြီးတော့ မြန်မာနိုင်ငံက ပြည်တွင်းစစ်အကြောင်း။ ပြည်တွင်းစစ်ကို ပညာရှင်များက မည်သူ့ကြောင့် မည်ဝါကြောင့် မည်သူက အဓိက တရားခံ မည့်သည့်အကြောင်းကြောင့် စသည်ဖြင့် ရှု့ထောင့်မျိုးစုံမှ ထောက်ပြဆွေးနွေးကြပါသည်။ သူတို့လည်း သူတို့အယူအဆအရ မှန်ကြပါလိမ့်မည်။ ကျွန်တော့် အယူအဆအရတော့ မြန်မာနိုင်ငံသားအားလုံးနှင့် မြန်မာနိုင်ငံ နှင့် ပတ်သက်နေသောသူ အားလုံး၏ လုပ်ဆောင်ချက်အားလုံးသည် (သေးသည်ဖြစ်စေ ကြီးသည် ဖြစ်စေ နိုင်ငံရေးနှင့် ဆိုင်သည် ဖြစ်စေ မဆိုင်သည် ဖြစ်စေ) သန်းပေါင်းများစွာသော ပြည်တွင်းစစ် ဖြစ်ရန် အကြောင်းများ(causes) ထဲတွင် ပါဝင်မည် ဟုယူဆပါသည်။ အကြောင်းအရာတစ်ခုနှင့် တစ်ခုတော့ ပါဝင်မှု့ ပမာဏခြင်းတော့ တူနိုင်မည် မဟုတ်ပါချေ။ တစ်ချို့အကြောင်းအရာများကအဓိကကြောင်းများဖြစ်ပြီး အချို့သော ကြောင်းအရာများသည် သာမည အကြောင်းအရာများ ဖြစ်ပါလိမ့်မည်။ သို့သော် အကြောင်းအရာတိုင်းသည် သူ့နေရာနှင့်သူတော့ အရေးပါမည်သာဖြစ်ပါသည်။

နိဂုံးချုပ်ဆိုသော် သဘာဝကြီးက ကျွန်တော်တို့၏ လုပ်ဆောင်ချက်အားလုံးကို မှတ်တမ်းတင်ထားပါသည်။ ကောင်းသည်ဖြစ်စေဆိုးသည်ဖြစ်စေ ထိုအကြောင်း (cause) တစ်ခုသည် သက်ရောက်မှု့ (effect) တစ်ခု ခုတော့ မလွဲမသွေရှိပါသည်။ သင်ကောင်းတာလုပ်သော်လည်း ဆိုးသောသက်ရောက်မှု့လည်း ရှိနိုင်သလို သင်မဟုတ်တာလုပ်သောလည်း ကောင်းသောသက်ရောက်မှု့လည်း ဖြစ်နိုင်နေသေးသည်။ အဘယ်ကြောင့် ဆိုသော သက်ရောက်မှု့ (effect) တိုင်းသည် သင်၏လုပ်ဆောင်ချက် တစ်ခုထဲကြောင့် မဟုတ်ပဲ သန်းပေါင်များစွားသော် အကြောင်းများ (causes) ကြောင့် ဖြစ်ပေါ်လာရခြင်း ဖြစ်လေသည်။ထို့ကြောင့် ကျွန်တော်တို့၏ပတ်ဝန်းကျင်ရှိအကြောင်းအရာများအားလုံးသည်လည်း ကျွန်တော်တို့နှင့် တိုက်ရိုက်ဖြစ်စေသွယ်ဝိုက်၍ ဖြစ်စေသက်ဆိုင်နေပါသည်။ မည်သည့်အရာကိုမှ လျှစ်လျှူရှု့လို့ မရပါချေ။မည်သို့ပင်ဖြစ်စေကာမူ ကောင်းသည့် အကြောင်းများလုပ်လျှင် ကောင်းသော အကျိုးများဖြစ်ပေါ်လာဖို့ များပြီး မကောင်းသည့် အကြောင်းများလုပ်လျှင် မကောင်းသော အကျိုးများ ဖြစ်ပေါ်လာဖို့များမည် ဆိုသည်မှာ မြေကြီးလက်ခက် မလွဲပါချေ။

“သင်ပြုလုပ်သော အကြောင်းကိစ္စတစ်ခု (သေးသည်ဖြစ်စေ ကြီးသည်ဖြစ်စေ) အတွက် အကျိုးသက် ရောက်မှု့တစ်ခုခု မလွဲမသေရှိနေမည် ဖြစ်ပါသည်”

မှတ်ချက်။ အချို့သော အကြောင်းအရာများမှာ ဆရာမင်းသိင်္ခ၏ စာတစ်ပုဒ်ထဲမှာ ကိုးကားပါသည်။

မိုးတိမ်ညို
May,2009

Read More...

Friday, May 15, 2009

ကံဆိုသည်မှာ

ကံဆိုတာဘာလဲ
“ကံဆိုတာ အလုပ်”
“ကံဆိုတာ ကိုယ်ပြုခဲ့တဲ့ ကောင်းမှု့ မကောင်းမှု့တွေ ကိုယ့်ဆီကို ပြန်လာတာ”
“အတိတ် ဘ၀က ကံပေါ့ဗျာ”
“ဘုရားသခင် အလိုတော် အတိုင်းပေါ့ဗျာ”
ကံနှင့် ပတ်သက်သမျှ မှတ်ချက်များကို ထိုကဲ့သို့ ဖတ်ဖူး မှတ်ဖူး ပါသည်။

ကျွန်တော် မကြာခဏတွေးဘူးပါသည်။ လူတစ်ဦးနဲ့ တစ်ဦး ကံအပေါ်မူတည်ပြီး အခြေအနေခြင်း မတူကြပုံ အကြောင်းပါ။

ကျွန်တော်တို့ ဘ၀တွေကို မောင်းနှင်နေသည့် အရာမှာ ကံ၊ဥာဏ်၊၀ိရိယ ထိုသုံးခု ဖြစ်ပါသည်။ ထိုသုံးခုထဲတွင် သေချာစဉ်းစားကြည့်ပါက ကံသည် ကျွန်တော်တို့ လတ်တလောအားဖြင့် မည်သို့မှ ထိန်းချုပ်၍မရပါ။ သိလည်း မသိနိုင်ပါ။ ဥာဏ်ကိုတော့ အတော် အသင့် ထိန်းချုပ်လို့ရသည်။ အတော် အသင့် ဟုဆိုရခြင်းမှာ မွေးကတည်းက ဥာဏ်ရည် မမှီသောသူ အဖြစ် မွေးလားခဲ့ လျှင် မည်သို့မှ မတတ်နိုင်ပါ။ အဲ သူလိုကိုယ်လို လူအဖြစ်မွေးလာခဲ့ရင်တော့ ဥာဏ်ရည်မြင့်မားအောင် လုပ်ဖို့က မိမိ တာဝန်ပင်ဖြစ်သည်။ လူမှာ ထိန်းချုပ်လို့ ရတာ ၀ိရိယတစ်ခုသာရှိသည်။ ၀ိရိယကတော့ မိမိ ကိုယ်ပိုင် ဖြစ်သည်။ မိမိပေါ်မှာပဲ မူတည်သည်ဟု ပြောလို့ရသည်။ ဟော အဲသလို ကိုယ်က ပိုင်သလိုလို ရှိသော ၀ိရိယကြတော့ အကန့် အသတ်ရှိသွားပြန်သည်။ လူတစ်ယောက်က တစ်ခုခုကို လုပ်နေတယ်ထားပါတော့။ ဘယ်လောက် ၀ိရိယကောင်းကောင်း တစ်ရက်ကို ၂၄ နာရီထက် ပိုကြိုးစားလို့ မရပြန်ဘူးဗျာ။ ဒါတောင် အလွန်ဆုံး ပြောထားတာ။ အဲဒီ အထဲက စားချိန် အိပ်ချိန်တွေ နှုတ်ရဦးမှာ။

အဲဒီတော့ လူတစ်ယောက် တစ်ခုခုကို ဖြစ်ဖြစ် မြောက်မြောက်လုပ်ဖို့ ဆိုရင် ကံ၊ဥာဏ်၊၀ိရိယ သုံးခုလုံး စုံမှကိုရမှာ။ ဘယ်ဟာက ရာခိုင်နုန်းပိုများများ ပါနေသလဲဆိုတာတော့ လူတစ်ယောက်နဲ့ တစ်ယောက်တူမှာ မဟုတ်ဘူး။ဒါပေမယ့် တစ်ချို့ ကံကောင်းတဲ့သူများကျတော့ လည်း ဥာဏ်သမားနဲ့ ၀ိရိယသမား လိုက်လို့မမှီသလို ဥာဏ်ဝိရိယကောင်းရင်လည်း တော်ရုံတန်ရုံ ကံကို ကျော်လွှားလို့ ရပြန်ရောဗျာ။

ဥပမာပြောရရင် ဘုရင်နဲ့ အမတ်ချုပ်ကြီးတွေ နန်းရင်းဝန်တွေနဲ့ ယှဉ်လိုက်ရင် များသောအားဖြင့် အမတ်ချုပ်ကြီးတွေ နန်းရင်းဝန်တွေက ပိုတော်ကြတယ်လို့ထင်ပါတယ်။ ဒါပေမယ့် သူတို့တိုင်းပြည်ရဲ့ အထွတ် အထိတ်ဘာလို့ မဖြစ်သလဲ။ ဘုရင်မျိုးအဖြစ် မွေးမလာလို့ပဲ။ ကံပဲ။ တစ်ချို့ဆိုရင် မွေးကင်းကဘုရင့်သားကိုတောင်မှ ရင်ခွင်ပိုက်ဘုရင် အဖြစ်ထားပြီး ကျန်တဲ့သူတွေက တိုင်းပြည်ကို အုပ်ချုပ်ရသေးတာ။ ဥာဏ်ဘယ်လောက် သာသာ ကံလိုသေးတယ်ဆိုတာ ပြောချင်လို့ပါ။

ဆရာဖေမြင့်ရဲ့ ဘာသာပြန်စာအုပ်တစ်အုပ်ထဲမှာ ဖတ်ဖူးတယ်။ လူတစ်ယောက်က ဆပ်ကပြဖို့ အတွက် ကုလားအုပ်တွေကို နောက်ပြန်လျှောက်ဖို့ သင်ပေးတယ်တဲ့။ တော်တော်ကို မလွယ်ဘူးဆိုပဲ။ အဲဒီလူက နှစ်ပေါင်းအတော်ကြာ နေ့မအိပ် ညမအိပ်နဲ့ သင်လိုက်တာ ကုလားအုပ်ငါးကောင်က နောက်ပြန်လျှောက် တတ်သွားသတဲ့။ အဲဒါနဲ့ သူလည်း အထူးဆန်းဆုံး ဆပ်ကပွဲပြမယ်လို့ ကြေညာပြီး ရုံသွင်းပါလေရောတဲ့။ ပြပွဲလည်း စရော သူနဲ့ ကုလားအုပ်တွေက နောက်ပြန်လျှောက်ပြီး စင်ပေါ်တက်လာပြီး ကုလားအုပ်တွေက ဆက်ပြီး နောက်ပြန်လျှောက်ပြသတဲ့။ ပြီးတော့ အထူးဆန်းဆုံး ပြကွက်က ဒါပါပဲ ဆိုတော့ ပရိတ်သတ်က ၀ိုင်းဆဲကြသတဲ့။ ခဲတွေနဲ့ တောင် ပေါက်ကြသတဲ့။ ခက်တာက ပရိတ်သတ်က ကုလားအုပ်ကို နောက်ပြန်လျှောက်အောင် ကမ္ဘာပေါ်မှာ ဘယ်သူမှ မသင်နိုင်သေးဘူးဆိုတာ မသိကြဘူးတဲ့။ သိကြရင်လဲ ဆပ်က လာကြည့်တယ်ဆိုတာ ထူးထူးဆန်းဆန်းတွေကို ပဲကြည့်ချင်ကြတဲ့အတွက် ကြိုးတန်းလျှောက်ပြ တာတို့ ဘာတို့ကို ပိုပြီး စိတ်ဝင်စားမှာပဲလေ။ သူကြိုးစားတာနဲ့ လိုအပ်ချက်နဲ့ မကိုက်ဘူးဖြစ်သွားတာ ပေါ့။ အဲဒါကြောင့် ၀ိရိယ ဘယ်လောက် ကောင်းကောင်း ဥာဏ်မပါရင် လည်း မဖြစ်ပြန်ဘူး။

ဥာဏ်မရှိရင်တော့ ဘယ်ဟာ မှအောင်မြင်ဖို့ မလွယ်ဘူးဆိုတာကတော့ ရှင်းနေလို့ ဥပမာတွေ ဘာတွေ မရှာတော့ပါဘူး။

အဲဒီ အထဲမှာမှ လူတွေ ထိန်းချုပ်လို့ မရတဲ့ ကံအကြောင်းကို ဆွေးနွေးချင်တာ။
ဗုဒ္ဓဘာသာဝင်တွေကတော့ ကံကိုထိန်းချုပ်ဖို့ ကြိုးစားကြတယ်လို့ ဆိုရင် လက်ခံကြမလားမသိဘူး။ နောင်ဘ၀ကံကောင်းဖို့(သံသရာမှာ ကောင်းဖို့) ဆိုပြီး ယခုဘ၀မှာ ကိုသိုလ်ကောင်းမှု့လုပ် အလှူ အတန်းတွေ လုပ်ကြတယ်။ အဲဒါ ကံကို တနည်းအားဖြင့် ထိန်းချုပ်ဖို့ လုပ်ကြတာပဲလေ။ တခြားဘာသာဝင်တွေက တော့ ဘယ်လို ထိန်းချုပ်ဖို့ ကြိုးစားသလဲ သေချာလေ့လာ မကြည့်ဖူးဘူး။ သူတို့ လည်း များသောအားဖြင့် ကောင်းတာလုပ်ရင် ကောင်းတာ ဖြစ်မယ်ဆိုတယ့် သဘောမျိုးတော့ ရှိကြတာပဲလေ။

“ကောင်းတာလုပ်ရင်ကောင်းတာဖြစ်မယ် မကောင်းတာလုပ်ရင် မကောင်းတာဖြစ်မယ်”
ဒါပေမယ့် လည်း ယခုဘ၀မှာ ကောင်းတာတွေလုပ်နေရဲ့ မကောင်းတာဖြစ်နေတဲ့သူတွေ၊ ဘာမှ မလုပ်ရသေးပဲနဲ့ မကောင်းတာဖြစ်နေသူတွေ (ဥပမာ မွေးကတည်းက ကိုယ်လက် မသန်စွမ်း)၊ မကောင်းတာတွေလုပ်နေရဲ့နဲ့ လောကီစည်းစိမ်တွေခံစားနေရသူတွေ ဒုနဲ့ဒေးပါ။ အဲလိုလူတွေကို ကြတော့ အရင်ဘ၀က ကုသိုလ်ကံလို့ ပြောကြပါတယ်။ ဒါပေမယ့် တစ်ခုဂွကျနေတာက အရင်ဘ၀က ဘယ်သူက ဘာလုပ်ခဲ့တယ်ဆိုတာ မသိနိုင်တာပဲ။ သိရင်ပိုကောင်းမလားလို့ပါ။ အရင်ဘ၀က ဖြစ်ခဲ့ လုပ်ခဲ့တာတွေကို ဘလက်ဘုတ်မှာ တစ်နှစ်သုံးလေ တန်းစီရေးပြီး မင်းအရင်ဘ၀က နံပါတ် တစလုပ်ပ်ခဲ့လို့ အခုဘ၀မှာ ဒီဟာ ဖြစ်တယ်။ နောင်ဘ၀မှာ နံပါတ်နှစ်လုပ်လို့ ဟိုဟာ ဖြစ်တယ်။ အဲသလို ရှင်းပြရင် ဘယ်လိုနေမလဲ မသိဘူး။

သေချာစဉ်းစားကြည့်တော့လည်း အဲလိုကြီးသိနေတော့ လည်း သိပ်တော့ အဆင်မပြေသေးဘူး။ ဥပမာ ဘွားအေသေလို့ မြေးနေရာမှာ ပြန်ဝင်စားရင် သူ့ သမီးကို အမေလို့ ပြန်ခေါ်ရမှာကျတော့ သိနေရင် ဂွမကျဘူးလား။ တကယ်လို့ ပီအိတ်(ခ်ျ)ဒီ ဒေါက်တာတစ်ယောက် သေပြီး နောက်တစ်ခါပြန်မွေးလို့ အားလုံးကို မှတ်မိနေတယ်ဆိုရင် မွေးကတည်းက သူ့ကို ပီအိတ်(ခ်ျ)ဒီ ပေးရမလား။ သူဌေးကြီးတစ်ယောက် ကသေသွားပြီးတော့ ဆင်းရဲသား ဗိုက်ထဲမှာဝင်စားပြီး ပြန်မွေးလာရင် အဲဒီဆင်းရဲသားရဲ့ ကလေးက သူ့ပစ္စည်းတွေပါဆိုပြီး တောင်းရင်ဘယ်လိုလုပ်ကြမလဲ။ ဒါကြောင့် သေချာ စဉ်းစားကြည့်တော့ အရင်ဘ၀တွေဘာတွေ တကယ်ရှိခဲ့ရင်တောင်မှာ ပြန်မသိမှ ဖြစ်မှာလို့ ထင်တာပဲ။ အဲ ပြန်မသိပဲနဲ့ အရင်ဘ၀က လုပ်ခဲ့တဲ့ အပြစ်တွေကို မင်းဒီဘ၀မှာ အပြစ်ပေးမယ်ကွာဆိုတာကြတော့ လည်း တစ်မျိုးကြီးပဲ။ ကလေးတစ်ယောက်ကို အဖေက ရိုက်တော့ ကလေးက မေးတယ်တယ်။ အဖေသားကို ဘာလို့ရိုက်တာလဲပေါ့။ အဲဒါဖေက တုတ်နဲ့ နောက်တစ်ချက်ထပ်ရိုက်ပြီး မင်းဟာမင်းသိ နောက်ဆိုဒီထက်နာမယ် လို့ဆိုသတဲ့။ တစ်မျိုးကြီးပဲနော်။

ပြီးတော့ ကြားဖူးသေးတယ် အမေတစ်ယောက်ထဲဝမ်းထဲက တစ်ပြိုင်နဲ ထွက်လာတဲ့ အမွှာပူးနှစ်ယောက် တစ်ယောက်ကသေပြီး တစ်ယောက်ကံရှင်သတဲ့။ မွှေးလာကတည်းက ကံကွာပုံပြောပါတယ်။ ဗေဒင်တို့ ဘာတို့ အလိုအရဆိုရင် လ၊ရက်၊နှစ် နက္ခတ် အားလုံးအတူတူပဲ။ အကျိုးပေးကြတာ ဆန့်ကျင်ဘက်ပဲ။
များသောအားဖြင့် အောင်မြင်နေတဲ့ သူတွေက ကံကို မယုံကြပါဘူး။ ကံဆိုတာ အလုပ်လို့ပဲ ယုံကြတယ်။ ငါလုပ်ရင် လုပ်သမျှဖြစ်မယ်လို့ ထင်ကြပါတယ်။ ဥာဏ် နဲ့ ၀ိရိယသမားတွေပေါ့။ ကျွန်တော်လည်း အရင်က အဲဒီဘက်ကို ပိုယုံခဲ့တယ်။ ဒါပေမယ့်ကြာလာတာနဲ့ အမျှမမြင်ရတဲ့ကံဆိုတာ လူ့ဘ၀မှာ ရာနုန်း အတော်များပါလားဆိုတာ သတိထားမိလာသလိုပဲ။ လူတစ်ယောက်ဟာ အောင်မြင်နေတဲ့ အချိန်မှာ ဘာသာရေးကို မေ့မယ် မိသားစုရဲ့ အေးမြတဲ့ မေတ္တာကို မေ့နေမယ်၊ ငါသာလျှင် အဓိကလို့ ထင်တတ်ကြ ပြီး ကံဆိုတာလည်း ရှိသေးတယ်ဆိုတာကို သတိမရတတ်ကြဘူးလို့ထင်ပါတယ်။ အောင်မြင်နေတဲ့ ဆိုတဲ့အခြေနေတွေ တနည်းနည်းနဲ့ ဆုံးရှုံးသွားတော့မှာ သံဝေဂရသွားကြတာတွေ အများကြီးပါ။ လူတော်တော်များများက ဘ၀ကို ကံတစ်ခုတည်းနဲ့ မောင်းနှင်နေကြတယ်ဆိုတာ သတိထားမိကြလား မသိဘူး။ ကျွန်တော့် ပတ်ဝန်းကျင်မှာတော့ အနည်းနဲ့ အများတွေ့ဖူးပါ့ဗျာ။ ကံတစ်ခုထဲနဲ့ ပဲဘ၀ကို တည်ဆောက်ထားကြတာ။ တစ်ချို့လည်း တစ်သက်ပတ်လုံး ကံကောင်းတဲ့ သူတွေလည်း တော်တော်များများ ရှိမယ်ထင်တယ်။

ဒါပေမယ့် အဲဒီလို ဖြစ်ချင်တိုင်း ဖြစ်တယ်လို့ ထင်ရတဲ့ ကံဆိုတာက ဗရမ်းပတာ ဖြစ်နေတာ မဟုတ်ပါဘူးတဲ့။ ဗုဒ္ဓဘာသာ အလိုအရဆိုရင် အကြောင်းကြောင့် အကျိုးဖြစ်တယ် ဆိုရမလားပဲ။ ကမ္ဘာကျော် သိပ္ပံပညာရှင် အိုင်းစတိုင်းကလည်း God didn’t play dice ဘုရားသခင်က ကြွေအံ မစားဘူး လို့ပြောသွားပါတယ်။ သူဆိုလိုတာက ဘယ်အရာမဆို ဖြစ်ချင်တိုင်း ဗရမ်းပတာ ဖြစ်နေတာမဟုတ်ဘူး။ သူ့ဟာသူ စနစ်တကျဖြစ်နေတာဆိုတဲ့ သဘောလို့ထင်ပါတယ်။ အဲလိုဆိုတော့ ကျလည်း ကျွန်တော်တို့ ထိန်းချုပ်မရဘူးဆိုတဲ့ ကံက စနစ်တကျ ဖြစ်သင့်လို့ ဖြစ်နေတာတဲ့ဗျာ။ တခြားဘာသာဝင်တွေ အဆိုအရ ဘုရားသခင်ရဲ့ အလိုတော် အတိုင်းဆိုသလိုပေါ့။ အဲလိုစဉ်းစားရင် လူလောကရဲ့ မတရားမှု့တွေ ယုတ်မာမှု့တွေ မကောင်းမှု့တွေ အားလုံးက ဖြစ်သင့်လို့ ဖြစ်တာလား။ ဘုရားသခင် အလိုတော် အတိုင်းလား လို့မေးစရာရှိပါတယ်။

ဒီအကြောင်းတွေပြောပြတော့ ကျွန်တော့်မိတ်ဆွေ ဘာသာရေးဆရာတစ်ယောက်ကတော့ ပြောတယ်။ အဲလိုတွေ ပြောနေတာ မင်းဗုဒ္ဓဟောခဲ့တာတွေကို သေချာမသိသေးလို့ပဲတဲ့။ မင်းလေ့လာဖို့ လိုသေးတယ်တဲ့။ ဟုတ်မှာပါ။ အခုဟာက လူပြိန်းအတွေးတွေနဲ့ လျှောက်တွေးကြည့်ထားတာ။

မိုးတိမ်ညို
15,May,09

Read More...

Sunday, May 10, 2009

ဗေဒင် လက္ခဏာ

ဗေဒင် လက္ခဏာနဲ့ ပတ်သက်လို့ ဆရာဦးအောင်သင်း ပြောခဲ့ဖူးတာလေး သတိရလို့ပါ။ အတိအကျတော့ မမှတ်မိတော့ဘူး။ ဗေဒင်တို့ လက္ခဏာတို့ဆိုတာ ဒါဖြစ်ကိုဖြစ်ရမယ်လို့ ဟောတာမဟုတ်ဘူးတဲ့။ သူက ဖြစ်နိုင်ချေရှိတဲ့ လမ်းကြောင်းကိုပဲ ပြောတာတဲ့။ ဥပမာ ဒီလမ်းကတည့်တည့်သွား လမ်းဆုံးရင် ရွာကို ရောက်မယ်ဆိုတာက ဒီလမ်းကသွားတဲ့ သူတိုင်းအဲဒီရွာကို ရောက်မယ်လို့ ဆိုလိုတာမဟုတ်ဘူး။ ဒီလမ်းက တော့ရွာကို ဦးတည်နေတယ် ရောက်မရောက်ဆိုတာကတော့ သွားတဲ့သူအပေါ်မှာ မူတည်တယ်လို့ ဆိုလိုတာတဲ့။

လက္ခဏာဆိုရင်လည်း အဲလိုပဲ။ ဒီလို အရေးအကြောင်းရှိတဲ့သူတော်တော်များများက ဒါမျိုး ဖြစ်တတ်တယ် လို့ ဟောတယ်ဆိုပါဆို့။ အဲဒါက ဖြစ်ကို ဖြစ်ရမယ်လို့ ဟောတာ မဟုတ်ဘူးတဲ့။ ဟောတဲ့ အတိုင်း ဖြစ်မဖြစ်ဆိုတာက ကာယကံရှင်ပေါ်မှာလည်း မူတည်ပါသတဲ့။ ဗေဒင်လည်း အဲလိုပါပဲတဲ့။မှန်၏ မမှန်၏ ယုံ၏ မယုံ၏ ဆိုတာကတော့ လူတစ်ယောက်ချင်းစီရဲ့ ပုဂ္ဂလိက ခံစားချက်အပေါ်မှာ မူတည်မှာပါ။ အဲဒီအကြောင်းတွေစဉ်းစားမိရင် ဆရာဆွေမင်း ဓနုဖြူရဲ့ တွတ်ပီကာတွန်းလေးတစ်ခု သွားသတိရမိတယ်။ ကာတွန်းထဲမှာ ဦးတွတ်ပီတို့ရဲ့ ကြုံတိုင်းရွာနဲ့ တခြားရွာတစ်ရွာ ဘောလုံး ချိန်း ကန်ကြတာပေါ့။ ကြုံတိုင်းရွာဘက်မှာက ဗေဒင်ဆရာလား ဘာလားမသိဘူး တစ်ယောက်က အခါတော် ပေးသတဲ့။ အဲဒီ အခါတော်ပေးဆရာက ဂိုးတိုင်မှာ အင်းချထားတယ်တဲ့။ သူကပြီးတော့ ဂိုးသမားကို သေချာမှာထားတယ် ဘောလုံးက အလယ်စည်းကို ကျော်လာပြီး ကိုယ့်ဘက်ကို ရောက်လာရင် ဂိုးတိုင်ကို ဖနောင့်နဲ့ သုံးချက်သွားပေါက်။ အဲဒါမှ ဂိုးမ၀င်မှာတဲ့။ ဂိုးသမားလည်း အဲဒီဆရာပြောတဲ့ အတိုင်း ဘောလုံးဒီဘက်ရောက်လာတဲ့ အချိန်မှာ ဂိုးတိုင်ကို ဖနောင့်နဲ့ သွားပေါက်နေတုံး ဟိုဘက်အသင်းက ကန်လိုက်တာ ဖမ်းချိန်တောင်မရလိုက်ပဲ ဂိုးသွားပါလေရောတဲ့။
ဗေဒင်တို့ လက္ခဏာတို့ဆိုတာ ပညာရပ်တစ်ခုအနေနဲ့ တော့ ရှိမှာပါ။ အဲဒီပညာရပ်ကို ယုံကြည်လက်ခံပုံ အပေါ်မှာ မူတည်ပြီးတော့ အကျိုးရှိမရှိဆိုတာ ကွာခြားမှာပါ။ ဆရာတော်အရှင်ဧသိက ဆိုထားသလို ကျိုးကြောင်းဆီလျှော်တဲ့ သုံးသပ်ချက်မျိုးကို ရှု့မြင်တတ်ဖို့လိုပါတယ်။ ဥပမာ ဒီနှစ်မိုး ခေါင်သည် ထို့ကြောင့် စပါးအထွက်နည်းလိမ့်မည်။ အဲလိုမျိုးပေါ့။

ကျိုးကြောင်း မဆီလျှော်တာတွေလည်း ကြားဖူးပါတယ်။ ဟိုးအရင်က သတင်းတစ်ခုထဲမှာ ဖတ်ဖူးတယ်။ ကံပွင့်အောင်လို့ ကံပွင့် အမွှေးတိုင် တစ်ထုတ် ၀ယ်ထွန်းလိုက်တာ အိမ်ပါမီးလောင်သွားရောတဲ့။ အိမ်မီးလောင်တာကတော့ မတော်တဆ ဖြစ်တာပါ။ ပြောချင်တာက အစကတည်းက ကျိုးကြောင်းဆီလျှော်မှု့ မရှိတာကို ဆိုလိုချင်တာပါ။ကံကောင်းချင်လို့ ဘာသာရေးလုပ်တယ်ဆိုတာ ကကျိုးကြောင်းဆီလျှော်နိုင်တယ်လို့ ထင်ပါတယ်။ ဥပမာ တရားထိုင်တယ်ဆိုပါတော့။ (တရားထိုင်လျှင်ကံကောင်းသည် ဟု မဆိုလိုပါ ဥပမာပေးခြင်း ဖြစ်ပါသည်) တရားထိုင်လို့ ကိုယ်ဆီကို ကောင်းတဲ့ ကံကြီးက ၀ုန်းခနဲ ရောက်လာတာလို့ မထင်ပါဘူး။ တရားထိုင်တဲ့ အတွက် အဲဒီလူရဲ့ စိတ်ဟာ အနည်းနဲ့ အများ ငြိမ်းချမ်းနေမယ်၊ မျက်နှာမှာလည်း အဲဒီ ငြိမ်းချမ်းမှု့ ဟာ အနည်းနဲ့ အများဆိုသလို ပေါ်လွင်နေမယ်၊ ပြီးတော့ စိတ်က ငြိမ်းချမ်းနေတဲ့ အတွက် လုပ်ကိုင် ဆောင်ရွက်သမျှတွေက မှန်ကန်ဖို့ များနေတယ်။ အဲဒီတော့ ကံကောင်းခြင်းဆိုတာက သူ့ဆီကို အလိုလိုရောက်လာလိမ့်မယ်လို့ ထင်ပါတယ်။

ဗေဒင်မေးပြီး ယတြာချေတာက သိပ်တော့ သဘာဝကျတယ်လို့ မထင်ပါဘူး။ ဒါပေမယ့် တစ်ခုတော့ ရှိတယ်။ ဥပမာ ဗေဒင်က သပြေပန်း သုံးခက် ဘုရားတင်ခိုင်းတယ်ဆိုပါစို့။ အဲဒီလူက ယုံယုံကြည်ကြည် နဲ့ တင်လိုက်လို့ စိတ်ဓါတ် ခွန်အား တစ်ချို့ ရသွားတယ်ဆိုရင်တော့ သူ့ အတွက် အဲဒီ ယတြာက အနည်းနဲ့ အများတော့ အကျိုးရှိမှာပါ။အဲဒါကြောင့် ကောင်း၏ မကောင်း၏ အကျိုးရှိ၏ မရှိ၏ ဆိုတာက ခံယူတဲ့ သူအပေါ်မှာ မူတည်တယ်လို့ ထင်ပါတယ်။ ကျွန်တော့်ကို ဗေဒင် တို့ လက္ခဏာ တို့ကို ယုံလား မယုံဘူးလားလို့ မေးရင်တော့ ယုံတယ် မယုံဘူးမဖြေပဲနဲ့ မသိဘူးလို့ ပဲ ဖြေရပါလိမ့်မယ်။ မသိပဲနဲ့ ယုံမယုံ ဆုံးဖြတ်လို့ မှ မရပဲနဲ့ကိုး။

မိုးတိမ်ညို
May 2009

Read More...

Visitor's Location

  © Blogger template 'Perfection' by Ourblogtemplates.com 2008

Back to TOP