ကောက်ရိုးပုံဖွသူ

တစ်ခါသော် ကတ်သီးကတ်သတ် မေးတတ်သော ဂျာနယ်လစ် တစ်ဦးက နာမည်ကျော် အိုင်းစတိုင်းကြီးကို ဤသို့ အမေးရှိသည်ဆိုသတတ်။

“ဆရာကြီးခင်ဗျာ၊ ဆရာကြီးနဲ့ တခြားသူတွေ ဘာကွာပါသလဲ”။
“နေဦး၊ ကျုပ်က ခင်ဗျားကို ပြန်မေးရဦးမယ်။ ကောက်ရိုးပုံထဲမှာ အပ်တစ်ချောင်းကျပျောက်တယ် ဆိုပါတော့။ တခြားတစ်ယောက်ကို အဲဒီ အပ်ရှာခိုင်းရင် ဘာဖြစ်မယ်ထင်သလဲ…။”
“ခင်ဗျာ”
“ခင်ဗျာ မနေပါနဲ့။ ကိုင်းပါ၊ ကျုပ်မေးခွန်းကို ကျုပ်ကပဲ စဖြေပါ့မယ်။ ဒီလူက အပ်ကိုရှာမယ်။ အပ်လည်း တွေ့ပြီဆိုပါတော့..။ သူ ဘာဆက်လုပ်မယ်ထင်သလဲ..။ ဒါတော့ ခင်ဗျားဖြေ…။”
“အပ်ကိုတွေ့ပြီဆိုမှာတော့ ပြီးပြီပေါ့ ဆရာကြီး၊ ဘာဆက်လုပ်ရဦးမှာလဲ…။”
“ကျုပ်ဆိုရင်တော့ မပြီးသေးဘူးဗျ။ ကောက်ရိုးပုံကို ဆက်ဖွဦးမှာပဲ။”
“ခင်ဗျာ…။ ဆရာကြီး ဘာကိုဆိုလိုတာပါလဲ…။”
“ခင်ဗျားမေးခွန်းကိုဖြေတာလေ…။”
“ကျွန်တော်နားမရှင်းဘူး ဆရာကြီး”
“မှတ်ထား။ သူတို့က အပ်ရှာတဲ့သူ။ ကျုပ်က ကောက်ရိုးပုံဖွတဲ့သူ…။ အဲဒါကွာတာပဲဗျ…။”

အထက်ပါ အမေးအဖြေလေးကို ဆရာကျော်ဝင်း၏ ထွိုင်ယာလက်တစ်နှင့် အော်လတာနေးတစ်စာစုများ စာအုပ်မှ ထုတ်နှုတ်ထားပါသည်။ ထိုအမေးအဖြေလေးကို ဖတ်ကာ တစ်စိမ့်စိမ့်တွေး ပြီး တစ်စိမ့်စိမ့် သဘောကျမိပါသည်။

အပ်ရှာသူနှင့် ကောက်ရိုးပုံဖွသူ။

ကျွန်တော်စဉ်းစားကြည့်မိသည်။ ကျွန်တော်တို့တစ်တွေရော အပ်ရှာသူလား ကောက်ရိုးပုံဖွသူလား။ ကျွန်တော်ထင်ပါသည် ကျွန်တော်အပါအ၀င် ကိုးဆယ့်ကိုး ဒဿမ ကိုးကိုးကိုးကိုး ရာခိုင်နုန်းကတော့ အပ်ရှာသူ များသာဖြစ်ပါလိမ့်မည်။ ကောက်ရိုးပုံကိုတော့ မဖွချင်ကြ (သို့) မဖွနိုင်ကြ။ ရည်မှန်းချက် တစ်ခုခု အတွက် သာအလုပ်လုပ်ကြပါသည်။ အများစုကတော့ စားဝတ်နေရေးအတွက် တိတိကျကျအလုပ် တစ်ခုခုကိုသာ လုပ်ကိုင်နိုင်ကြသည်။ ဟိုဟိုဒီဒီ မစဉ်းစားနိုင်။ မတွေးတောနိုင်ပါ။ တစ်ချို့ကတော့ စားဝတ်နေရေး အတွက် အလုပ်လုပ်ရင်း အားသည့် အချိန်ကလေးများတွင် ကောက်ရိုးပုံဖွကြပါသည်။ တစ်ခါတစ်လေကြတော့ ငါဘာအဓိပ္ပယ်နှင့် ဒါတွေလုပ်နေတာလဲ ဟု စဉ်းစားမိပါသည်။ လွယ်လွယ်တွေးလျှင် ထမင်းစားဖို့ ဟုသာ အဖြေရပါသည်။ ကိုယ်လုပ်ချင်တာကို လုပ်ပြီးတော့ ထမင်းစားလို့ရော မရနိုင်ဘူးလား ဟု မေးကြည့်မိပါသည်။ အဖြေက မသေချာ။ ကိုယ်ကပဲ ညံ့လွန်းနေသလား။ အခြေအနေမပေးလို့ပဲလား။

ကောက်ရိုးပုံကို ဖွချင်စိတ်တော့ရှိပါသည် (သို့မဟုတ်) ဖွချင်စိတ်ရှိသည်ဟုထင်ပါသည်။ သို့သော် မဖွနိုင်သေးပါ။ အပ်ပဲရှာရပါဦးမည်။ ရှာရင်းနှင့်တော့ တတ်နိုင်သလောက်တော့ ဖွသွားပါမည်။

မိုးတိမ်ညို
၂၅ ဇွန် ၂၀၀၉