သင်ယူ၊လေ့ကျင့်၊ ထိုးထွင်းသိမြင်အပ်သောတရား

Buddhism is not only to believe, worship and pray.
It is to learn, practice and penetrate.
“ဗုဒ္ဓ္ဓဘာသာသည် သက်ဝင်ယုံကြည်ရုံ၊ ကိုးကွယ်ပသရုံ နှင့် ဆုတောင်း ရုံသက်သက်မဟုတ်ပါ။ ဗုဒ္ဓ္ဓဘာသာသည် သင်ယူရန်၊ လေ့ကျင့်ရန် နှင့် ထိုးထွင်းသိမြင်ရန်ဖြစ်လေ၏။”

ပညာရှင်တစ်ယောက်ရေးသားထားခြင်းဖြစ်ပါသည်။
အကြမ်းအားဖြင့် တစ်စုံတစ်ခုကို ကိုးကွယ်ယုံကြည်မှု့ ကို သုံးမျိုးခွဲခြားနိုင်သည်။ (Extremist) အစွန်းရောက် များ၊ (Traditional) မိရိုးဖလာများနှင့် (Authentic) အစစ်အမှန်များ ဟုဆိုသည်။ (ပညာရှင် တစ်ယောက်၏ သုံးသပ်ချက်ဖြစ်ပါသည်။ လောလောဆယ် ထိုပညာရှင်၏ အမည်ကို မမှတ်မိပါ။)
ထို အယူအဆကို ဗုဒ္ဓဘာသာနှင့် ချိန်ထိုးကြည့်လျှင်အောက်ပါအတိုင်း ခွဲခြား၍ ရပါသည်။
(၁) အစွန်းရောက်ဗုဒ္ဓ၀ါဒီများ (Extremist Buddhism)
(၂) မိရိုးဖလာ ဗုဒ္ဓ၀ါဒီများ (Traditional Buddhism)
(၃) အစစ်အမှန် ဗုဒ္ဓ၀ါဒီများ (Authentic Buddhism)

အစွန်းရောက် ဗုဒ္ဓဘာသာဝင် များသည် ဗုဒ္ဓဘာသာ ကိုအလွန်အမင်းသက်ဝင်ယုံကြည်ကြသည်။ ထိုပြင် ဗုဒ္ဓဘာသာနှင့်ပတ်သက်သော ထူးဆန်း ထွေလာများ၊ ဒဏ္ဍာရီများကို လည်းယုံကြည်ကိုးကွယ်ကြသည်။ ဗုဒ္ဓအမှန်တကယ်ဟောကြားထားသည့် အနှစ်သာရများကို မူမေ့လျှော့နေကြဟန်တူသည်။ သို့မဟုတ် ထိုအရာများမှာ သင်ယူရန် ခက်ခဲပင်ပန်းသဖြင့် လွယ်ကူသော အရာများကို လက်ခံလိုက်ခြင်း လည်း ဖြစ်နိုင်ပါသည်။ ထိုသူများသည် ဗုဒ္ဓနှင့် ပတ်သက်လာလျှင် အထိမခံဟူသော သူများဖြစ်ပေလိမ့်မည်။ ဘာသာရေးနှင့် နှီးနွယ်သော ပြဿနာအများစုသည် ထိုကဲ့သို့သော သူများကြောင့် ဖြစ်သည်ဟု ယေဘုယျ ယူဆနိုင်ပါသည်။

မိရိုးဖလာ ဗုဒ္ဓဘာသာဝင်များသည်ကား မိမိ မိဘ၊ဘိုးဘွားများက ဗုဒ္ဓဘာသာ ကိုးကွယ်ခဲ့သဖြင့် မှတ်ပုံတင်ကဒ်ပြားတွင် ဗုဒ္ဓဘာသာဟုဖြည့် ရုံလောက်သာ ဘာသာရေးကို အလေးထား သူများဖြစ်သည်။ ငယ်ငယ်က ဦးတော်ဆိုလျှင် ဘုရားရှိခိုးသည့် နည်းတူ အသက်ကြီးသည် အထိလည်း ဦးတော် အဆင့်ကမတက်သူများဖြစ်ကြသည်။
စစ်မှန်သော ဗုဒ္ဓဘာသာဝင်များ သည်ကား ဗုဒ္ဓ ဟောကြားသော တရားများကို သာ အဓိက လေ့လာ လိုက်စားပြီး အပေါ်ယံ အကာများကို စွန့်ပယ်သူများ ဖြစ်လေသည်။
ထိုအထဲတွင် မိရိုးဖလာ ဗုဒ္ဓဘာသာဝင်ဖြစ်ရသည် မှာ အလွယ်ကူဆုံးဖြစ်သည်။ မိရိုးဖလာ ဗုဒ္ဓဘာသာ ဖြစ်ရန် ထူးထူးကဲကဲ ကြိုးစား အားထုတ်ရန်မလိုချေ။ မိရိုးဖလာအယူ အဆများ၊ ဓလေ့ထုံးစံများကို လက်ခံကျင့်သုံးလိုက်ရင် မိရိုးဖလာ ဗုဒ္ဓဘာသာဟု ခေါ်ဆိုနိုင်ပါပြီ။

္ပ္ပ္က္ကဤဘာသာရေးနှင့်ပတ်သက်သော စည်းမျဉ်းစည်းကမ်း အချို့သည် ဘုရားဟောများ မဟုတ်ကြပဲ လူတို့ ကချမှတ်ထားသော အရာများသာဖြစ်ကြလေသည်။ ထိုစည်းကမ်းများသည် သိပ္ပံဆိုင်ရာ ညီမျှခြင်းများ ကဲ့သို့ ထာဝရအမှန်တရား (Universal Truth) များ မဟုတ်ကြပဲ လူ တို့ကပြုလုပ်ထားသော အရာများသာဖြစ်သည်။

၎င်းတို့သည် ယေဘူယျအားဖြင့် ဘောလုံးပွဲ တစ်ပွဲ၏စည်းကမ်းများနှင့် တူသည်ဟုဆိုနိုင် လေ သည်။ ဘောလုံးပွဲတစ်ပွဲတွင် ဘေးထွက်ဘောကို လက်ဖြင့် မြောက်ရသည်။ ပြစ်ဒဏ်ဘောကို ခြေထောက်ဖြင့်တည်ကန်သည်။ အကယ်၍ ဘေးထွက် ဘောကို ခြေဖြင့် တည်ကန်ပြီး ပြစ်ဒဏ်ဘောကို လက်ဖြင့် မြှောက်ရမည်ဟု ဘောလုံးကစားသူအားလုံး က တစ်ညီတစ်ညွတ် ထဲဆုံးဖြတ်လိုက်လျှင် ဘာဖြစ်မည်နည်း။ ဘာမှမဖြစ်ပါ။ လူအများ လက်ခံလျှင် အဆင်ပြေပါသည်။ သို့သော် သိပ္ပံ ဆိုင်ရာ ညီမျှခြင်းများသည် ထိုကဲ့သို့မဟုတ်ပါ။ အောက်ဆီဂျင်အက်တမ်တစ်လုံးနှင့် ဟိုက်ဒရိုဂျင် အက်တမ် နှစ်လုံးပေါင်းလျှင် ရေ (H2O) ရသည်။ ဤသည်ကို လူအများတစ်ညီတစ်ညွတ်တည်းဖြင့် (O2H) ဟုပြောင်းလဲ၍မရပါ။ ဤသည်မှာ ဗုဒ္ဓ ဟောကြားထားခဲ့သော တရားများကို ဆိုလိုခြင်းမဟုတ်ပါ။ လူတို့ ကဗုဒ္ဓ ဘာသာ အရေခြုံ၍ မိမိတို့ဘာသာ ဗုဒ္ဓဘာသာအတွင်းသို့ သွတ်သွင်းခဲ့သော အယူအဆ ဓလေ့ ထုံးစံ များကို သာဆိုလိုပါသည်။ ထို့ကြောင့် လူတို့က ပြုလုပ်ထားသော ဘုရားဟောမဟုတ်သော မိရိုးဖလာ ဘာသာရေး ဓလေ့ထုံးစံအချို့သည် ဘောလုံးပွဲစည်းကမ်းများဖြင့် ပုံသဏ္ဍာန်တူသည် ဟုဆိုချင်ပါသည်။ အချို့သော ဓလေ့ထုံးစံများသည် မူရင်းဖြူစင်သော ဘာသာရေးကို ညစ်နွမ်းစေပါသည်။ ထိုသို့သော အယူအဆများကို အစစ်အမှန် ဗုဒ္ဓ၀ါဒီများ (Authentic Buddhism) များက လက်မခံကြပါ။

ထိုကြောင့် ဗုဒ္ဓဘာသာဝင် ဟုဆိုလျှင် မည်သို့သော ဗုဒ္ဓဘာသာ ၀င်မျိုးဖြစ်သနည်း ဟု မိမိကိုယ် မိမိ သုံးသပ်ရန်လိုအပ်သည်ဟုထင်ပါသည်။ Authentic Buddhism ဖြစ်ရန်မူ မလွယ်ပါ။ အဘယ်ကြောင့် ဆိုသော် ဗုဒ္ဓဘာသာ သည် အမှန်တကယ် နားလည်ရန် အတွက် မလွယ်ကူသောကြောင့်ဖြစ်ပါသည်။ သင်ယူအားထုတ်မှု့များစွာလိုအပ်ပါသည်။ ဆရာတော် ဦးကောသလ္လ အဆိုအရမူ ဗုဒ္ဓဘာသာကို အမှန်တကယ် နားလည်သဘောပေါက်ရန် အနည်းဆုံး လေးငါးဆယ်နှစ်ခန့်သင်ယူရမည်ဟုတရားပွဲတစ်ခု တွင် ဟောထားသည်ကို မှတ်သားဖူးပါသည်။

အချုပ်အားဖြင့်ဆိုသော်
“ဗုဒ္ဓ္ဓဘာသာသည် သက်ဝင်ယုံကြည်ရုံ၊ ကိုးကွယ်ပသရုံ နှင့် ဆုတောင်း ရုံသက်သက်မဟုတ်ပါ။ ဗုဒ္ဓဘာသာသည် သင်ယူရန်၊ လေ့ကျင့်ရန် နှင့် ထိုးထွင်းသိမြင်ရန်ဖြစ်လေ၏။”

ဖေဖ၀ါရီ၊၂၀၀၉
မိုးတိမ်ညို