လွဲနေသော“စံ“
ဤဘလော့တွင် ပထမဆုံးတင်သော ပို(စ်) ဖြစ်ပါသည်။ အနည်းငယ် ပြန်လည် ပြင်ဆင်ထားပါသည်။
***********************************************************************
လွဲနေသော“စံ“
ကျွန်တော်သည် စည်းစနစ်ကျသူတစ်ဦးဖြစ်သည်။ (သို့မဟုတ်) စည်းစနစ်ကျသူ တစ်ဦးဟု ကျွန်တော်ကို ကျွန်တော်ထင်သည်။ သို့သော် ကျွန်တော့်၏ သူငယ်ချင်း မိတ်ဆွေများကတော့ ထိုကဲ့သို့ မထင်ကြပါ။ ငကြောင်၊ ဘ၀င်ရူးဟုသာထင်ကြပါသည်။ သူတို့ ဘယ်လိုထင်ထင် ကျွန်တော် ဂရုမစိုက်ပါ။ ကျွန်တော့် 'စံ' နှင့်ကျွန်တော်သာနေပါသည်။ ထို့ကြောင့်လည်း သူတို့ နှင့်ကျွန်တော် မကြာခဏ အငြင်းပွားလေ့ရှိသည်။
လက်ဖက်ရည်ဆိုင်တွင်ထိုင်နေရင်း လမ်းဘေးသို့ ဆေးလိပ်တိုကို လွင့်ပစ် သောသူကို၎င်း၊ မြောင်းထဲသို့ ပလပ်စတစ်အိပ်ခွံပစ်ချသောသူကိုလည်းကောင်း ကျွန်တော်ကနှိပ်ကွပ်သည်။
” အေး မင်းတို့လို စည်းမဲ့ကမ်းမဲ့ကောင်တွေရှိနေလို့ ငါတို့ နိုင်ငံမတိုးတက်တာကွ၊ နိုင်ငံသားတိုင်းသာ ကိုယ့်တာဝန်ကိုယူပြီး စည်းကမ်းရှိနေရင် ငါတို့ နိုင်ငံ အခုအချိန်ဆိုရင် နိုင်ငံတကာ အဆင့်မှီနေပြီကွ”
သူတို့ကလည်းပြန်ချေပသည်။
”ဟေ့ကောင်ရ ဒါမျိုးစည်းကမ်းဆိုတာ တစ်နိုင်ငံ လုံးအတိုင်းအတာနဲ့လုပ်မှရမှာကွ၊ ဥပမာကွာ နိုင်ငံခြားမှာ လိုလမ်းထောင့် တိုင်းမှာသာ အမှိုက်ပစ်စရာ အမှိုက်ပုံးရှိနေရင်၊ လမ်းတွေက နဂိုကတည်းက သန့်ရှင်းပြီး အမှိုက်ပစ်ရက်စရာမရှိရင် ဘယ်သူမှ လမ်းဘေးကို အမှိုက်မချဘူးဟေ့ကောင်”
ထိုအခါကျွန်တော်က
”အေး ဒါတော့ဒါပေါ့ ဒါပေမယ့်ဒီလိုအခြေအနေမျိုးရောက်အောင် စောင့်မနေပဲ အခုကတည်းက တစ်ယောက်ချင်း စီကနားလည်မှု့နဲ့စည်းကမ်းရှိသွားရင် သူ့ဟာသူတိုး တက်သွားမှာကွ”
တစ်ယောက်က ၀င်ပြောသည်။
”ဟေ့ကောင် ကိုကြီးကျယ်ရာ အပိုတွေလျှောက်ပြောမနေပါနဲ့၊ ခွေးဟောင်လို့ တောင် မရွှေ့ပါဘူးကွာ၊ မင်းကရောဘယ်လောက်စည်းကမ်းရှိနိုင်လို့ လည်း”
မဖြစ်ချေတော့ ဒီကောင်တွေ ကျွန်တော့်မူကိုထိလာပြီ။
”အေး ငါကအမြဲ ငါမူနဲ့ ငါနေတာကွ၊ မယုံရင်မင်းတို့စောင့်ကြည့်နေ။ ငါ့ သုံးတဲ့ အမှိုက်က လမ်းဘေးတို့ ၊မြောင်းထဲတို့ ဘယ်နည်းနဲ့မှ မရောက်စေရဘူး။ အရင်ကလည်းမရောက်ဘူး၊ အခုလည်းမရောက်ဘူး၊ နောင်လည်းရောက်မှာမဟုတ်ဘူး ”
ထိုနေ့မှစပြီးကျွန်တော့် စကားနှင့် ကျွန်တော် ကျွန်တော်သုံးသည့် အမှိုက်ကိုစနစ်တကျ အမှိုက်တောင်းထဲသို့ အမြဲရောက်အောင် ယခင်ကထက်ပို၍ ဂရုစိုက်ပါသည်သည်။ သူတို့တွေ ဘယ်လိုပဲလှောင်လှောင် ကျွန်တော်မမှု့ပဲကျွန်တော့် မူအတိုင်းသာလုပ်သည်။
တစ်နေ့ လက်ဖက်ရည်ဆိုင်မှ အပြန် ကျွန်တော်သောက်သည့် ဆေးလိပ်တိုကို ပစ်စရာ အမှိုက်တောင်း ရှာမတွေ့သဖြင့် အိမ်ရောက်မှပစ်ရန်အိပ်ထောင်ထဲသို့ ကျွန်တော်သေသေချာချာ ထည့်ယူ လာခဲ့သည်။ သူတို့ ကတော့ကျွန်တော့်ကို ထုံးစံအတိုင်းဝိုင်းလှောင်ကြသည်။ သို့သော်ကျွန်တော်မမှု့ပါ။ ကျွန်တော်က ကျွန်တော့် စံနှင့် ကျွန်တော်နေသည် မဟုတ်ပါလား။ အိမ်ရောက်မှ ထိုအမှိုက်ကို စနစ်တကျ အမှိုက်တောင်းထဲသို့ ထည့်လိုက်သည်။ အဲဒီနေ့က ကျွန်တော့်ကို ကျွန်တော် အတော်ကျေနပ်နေပါသည်။
ထိုနေည ညစာထမင်းစားပြီး ကျွန်တော်အိမ်ရှေ့ တွင်စာထိုင်ဖတ်နေစဉ် အမေက အထုပ်ကြီး တစ်ထုပ်ဆွဲပြီး မီးဖိုထဲမှထွက်လာသည်။
”အမေ ညကြီးမင်းကြီးဘယ်လည်းဗျ“
“အမှိုက်သွားပစ်မလို့လေ“
“ဟင် ဒီအချိန်ကြီး အမှိုက်ကားလာလို့လား”
ထိုအခါအမေက
“ဟဲ့ နင့်အမှိုက်ကားကမလာတာ တစ်ပတ်လောက်ရှိပြီ အခုဟာ မှောင်တုံး ဟိုဖက်လမ်း ကြား ထဲသွား ပစ်မလို့လေ“
“ဟာအမေကလည်းဒီလိုတော့ ဘယ်ကောင်းပါ့မလဲ နိုင်ငံကြီးသားပီသမှပေါ့ အမေတို့နဲ့ခက်ပါတယ် အဲလိုသာဆို…“ ကျွန်တော်စကားဆုံးအောင်ပြောခွင့်မရလိုက်ပါ။
“ဟဲ့ငါက နိုင်ငံကြီးသားပီသချင်တာတောင့် နင့်အမှိုက်ကားကလာမှ မလာပဲ။ ငါကဒီလိုမပစ်လို့ ဒါကြီးကို နင့်အိပ်ယာပေါ်လာထားရမှာလား ဒီမှာပင်ပန်းရတဲ့ အထဲနင်ကတစ်မှောင့်“
ဟုဆိုကာ အမှိုက်ထုပ်ကြီးဆွဲပြီး အမေ ဆောင့်ကြီးအောင့်ကြီးထွက်သွားလေသည်။
ကျွန်တော်လည်း အမေ့ဒေါသကို ကြောက်လို့လား အမှိုက်အိတ်ကြီး ကုတင်ပေါ် တင်ပြီးအိပ်ရမှာ ကြောက်လို့လားမသိ ဆက်ပြီးစောဒကမတက်ဝံ့တော့ပါ။ အမှိုက်အိတ်ထဲမှ ကျွန်တော့်ဆေးလိပ်တိုကလေးရှာ ကောက်လျှင်လည်း ခေါင်းခေါက်ခံရသည်သာ အဖတ်တင်မည် ဖြစ်သော ကြောင့် မကြိုးစားရဲတော့ပါ။
ဒီအကြောင်းကိုဟိုကောင်တွေ မသိအောင်တော့ လျှိ့ဝှက်ထား ရမည် ဖြစ်ပါသည်။
မိုးတိမ်ညို
2 comments:
မိုးတိမ်ညိုရေ---
အဲလိုစိတ်ဓါတ်မျိုးထားတာကောင်းပါတယ်---
မြန်မာပြည်သန်း ၅၀ ကျော်လုံး ထားရမှာဖြစ်တယ်--
စိတ်ဓါတ်တွေ အဆင့်မြင့်ရမယ်--
ကလေးတွေ--ကျောင်းစ တက်သည့်အရွယ်ကစ ပြီး
စည်းကမ်းရှိမှု တွေ နိုင်ငံကြီးသားစိတ်ဓါတ်တွေ
မွေးမြူရန် သင်ကြားရမယ်---
အင်းးးးးးးးးးးးးးးးးးးးးး
ခေတ်စနစ်တွေလည်းပြောင်းရမှာဖြစ်သလို--
တိုင်းပြည်ချမ်းသာအောင် လုပ်ဖို့လည်းလိုတာပေါ့လေ----
ဒါမှ--ညမှာ အမှိုက်ခိုးပစ်စရာမလိုတော့ဘူးပေါ့--
"Everything in life may seem insignificant, but it is most important that you do it"
- Mahatma Ghandi
Post a Comment