ဂွတ်မောနင်း
‘Good morning’ ‘Good afternoon’ ‘Good evening’ ‘Good night’
ထိုနှုတ်ဆက်စကားများကို လူတိုင်း အတွက်ကြားနေကျ အင်္ဂလိပ် အသုံးအနှုန်းများဖြစ်ပါသည်။ ဆရာမင်းသိင်္ခ စာအုပ်တစ်အုပ် ထဲမှာဖတ်ဖူးသော အတွေးလေးကိုပြောချင်လို့ပါ။ မြန်မာလိုဆိုရင်တော့ ကောင်းသော နံနက်ခင်းပါ၊ ကောင်းသော နေ့လည်ခင်းပါ၊ ကောင်းသော ညနေခင်းပါ၊ ကောင်း သောညပါလို့ ဆိုရမပေါ့။ ဆရာမင်းသိင်္ခက ပြောတယ်။ အင်္ဂလိပ်တွေက အဲဒီလို နှုတ်ဆက်တာ သူတို့ ဆီမှာ ရာသီဥတုက သိပ်ဆိုး လို့ ဖြစ်နိုင်တယ်တဲ့။ အဲဒါကြောင့် နေပွင့်တဲ့ နေ့လေးဖြစ်ဖြစ် ကောင်းကင်ကို ကောင်းကောင်း မြင်ရတဲ့ နေ့လေးပဲ ဖြစ်ဖြစ် အချိန်ပေါ်မူတည်ပြီးတော့ ကောင်းသော မနက်ပါ၊ ညနေပါ စသည်ဖြင့် နှုတ်ဆက်ကြ တာနေမှာပေါ့တဲ့။ ရာသီဥတု မကောင်းလဲ ကောင်းပါစေတော့ ဆိုတဲ့ သဘောနဲ့ နှုတ်ဆက်ရတာ ဖြစ်မယ် ထင်တာပဲ။
အဲလိုစဉ်းစားကြည့်တော့ ကျွန်တော်တို့ မြန်မာတွေဘယ်လိုနှုတ်ဆက်တာလဲ လို့ တွေးကြည့်မိတယ်။ မှတ်မိသလောက်တော့ ကျွန်တော်တို့ တွေရဲ့ အဓိက နှုတ်ဆက်စကားက “နေကောင်းလား” “စားပြီး ပြီလား” အဲဒါတွေဖြစ်မယ်ထင်တယ်။ “မင်္ဂလာပါ” ဆိုတာ တော့ အပြင်မှာ တကယ်မသုံးဘူးလေ။ အခန်း အနားတွေမှာမှ သုံးတာ။
“နေကောင်းလား” လို့နှုတ်ဆက်တာကိုတွေးကြည့်ရင် ကျွန်တော်တို့ဆီမှာ ကဟိုးရှေးတုန်းက ကျန်းမာ ရေးက တော်တော် အရေးကြီးမယ်နဲ့တူတယ်။ ခေတ်ကလည်း နောက်ကျ၊ ဆေးဆရာဆို တာလည်း မိရိုး ဖလာ ဆေးဆရာပဲ ရှားရှားပါးပါးရှိ၊ တောတောင်ကလဲ ထူထပ်တော့ ရောဂါလဲ ထူ လိမ့်မယ် ထင်တယ်။ အဲဒီ တော့ ကျန်းမာရေးအရ တစ်ခုခုဖြစ်ရင် မလွယ်ဘူး နဲ့တူ တယ်။ အဲဒါကြောင့် ကျန်းမာ ရေးက အရေးကြီးလို့ အဲလို နှုတ်ဆက်တာလားလို့တွေးမိတယ်။
“စားပြီးပြီလား” ဆိုတာကို စဉ်းစားကြည့်တော့ အခုလို စဉ်းစား မိတယ်။ မြန်မာတွေက အစားကောင်း အသောက် ကောင်းကို ခုံမင်လို့ လူတစ်ယောက်ကို တွေ့ရင် စားပြီးပြီလား တင်မကပဲ ဘာဟင်းလဲ လို့ပါ မေးလေ့ရှိကြသဗျ။ ပြီးတော့ မစားရသေးဘူးဆိုရင်လည်း ရှေးတုန်းကတော့ အိမ်လာလည်တဲ့သူ ဆိုရင် ကျွေးဖို့ ၀န်မလေးဘူးနဲ့တူတယ်။ သဒ္ဓါတရား ထက်သန်တယ်ပေါ့ဗျာ။ အဲဒါကြောင့် အစားအသောက်ကို ခုံမင်လို့၊ ကျွေးချင်မွေးချင်လို့ အဲဒီလို နှုတ်ဆက်တာလို့ ထင်ရတာပဲ။
ရှမ်းတွေကျတော့ ပြန်ခါနီးနှုတ်ဆက်ရင် “ဖြေးဖြေးနော်”လို့ ရှမ်းလိုပြောလေ့ရှိတယ် လို့ကြားဖူးတယ်။ စဉ်းစားကြည့်တော့ ရှမ်းပြည်က တောင်ပေါ်ဒေသ။ တောင်တက်တောင်ဆင်းတွေများမယ်။ ကုန်းတွေကမူတွေများ လိမ့်မယ်။ လမ်းလျှောက်ရင် သေချာလျှောက်ဖို့လိုမယ်ထင်တယ်။ အဲလိုမှ မဟုတ်ရင် မြေပြင်ညီမဟုတ်တော့ ချော်လဲ နိုင်တယ်။ ကျိုးနိုင်တယ်၊ ပဲ့နိုင်တယ်၊ အခန့်မသင့်ရင် တောင်ပေါ်ကကျသေ နိုင်သေးတယ်။ အဲဒါကြောင့် ဖြေးဖြးနော်လို့ နှုတ်ဆက်ရတာထင်တာပဲ။
ဒါတွေကစဉ်းစားကြည့်ထားတာပါဗျာ။ ဟုတ်မဟုတ်တော့ သေချာ သုတေသနလုပ်ကြည့် မှ သိမယ် ထင်တယ်။ တခြားဘာသာ စကားတွေနဲ့ ဘယ်လိုနှုတ်ဆက်လည်း သိရင် လည်း စဉ်းစား ကြည့်ကြပါ။ ဟုတ်မဟုတ်သိရတာပေါ့။ ဘာပဲ ပြောပြော လူမျိုး တစ်မျိုးရဲ့ ဓလေ့လေးတွေက အဲဒီလူမျိုးရဲ့ အခြေအနေ အချို့ကို တစ်နည်း မဟုတ် တစ်နည်း ထင်ဟပ်နေမှာတော့ အသေအချာပါပဲဗျာ။
4 comments:
နှုတ်ဆက်ခြင်းကို အဲသည်လိုသာ သရုပ်ခွဲရရင်တော့ ဒီနေ့ခေတ်ပေါ် နှုတ်ဆက်နည်းတွေနဲ့ဆို အဓိပ္ပါယ်တွေ ကို့ယို့ကားယား ထွက်လာနိုင်ပါသဗျာ။
လူချင်းတွေ့ရင်…. “ဘာထူးလဲဗျ” နှုတ်ဆက်တဲ့လူတွေရှိတယ်။ ကြည့်ရတာ အနှစ် ၂၀ အတွင်း တနေ့တနေ့ ဘာမှ မထူးခြားမပြောင်းလဲတဲ့ ခေတ်ကြီးထဲမှာ လူဖြစ်လာကြရလို့နဲ့တူတယ်။ ဖြေတဲ့လူတွေကလည်း “ထူးမခြားနား” ပါဗျာတဲ့။
နောက်တမျိုးက …. “ဘယ်နှယ့်လဲ”… တဲ့။ “ဘယ်လိုလဲ”..တဲ့။“အခြေအနေ ကောင်းရဲ့လား”….တဲ့။ ကြည့်ရတာ တဖက်မှာ ထူးမခြားနား ဖြစ်တတ်တဲ့သဘောရှိသလို အခြားတဖက်မှာလည်း တနေ့ရွှေ၊ တနေ့ငွေ ဆိုသလို အခြေအနေက လျှပ်တပြက် ပြောင်းတတ်တဲ့ သဘောရှိပုံရတယ်။
ဟုတ်တယ်ဗျ ကိုပေါရ။ နုတ်ဆက်စကားက လူတွေရဲ့ အခြေအနေကို တစ်နည်း တစ်ဖုံ ဖော်ပြနေတယ် ဆို တာ ဆွေးနွေးကြည့်တာပါ။ ဥပမာ ပွဲစား အချင်းချင်းတွေ့ရင် လည်း “ပွဲဖြစ်လား” လို့နုတ်ဆက် မယ်ထင်တယ်။ အဲဒါကြောင့် ရှေးတုန်းက နုတ်ဆက်နည်း နေကလည်း အဲဒီ အချိန်က အခြေအနေကို တစ်နည်း တစ်ဖုံ ဖော်ပြ မလားလို့ပါ။
အဆင်ပြေတယ်ဟုတ်။
အစ်မကြီး စလုံးမှာ နေတာဆိုရင် “အလုပ်တွေ များနေလား” လို့ နှုတ်ဆက်ရမှာ ဗျ ဟဲဟဲ
Post a Comment