ကိုဂိုင်းမျိုး ကိုစာအုပ်နှင့် ကျွန်တော်- ဆာပုလင်းကိုစာအုပ်
ဒီနေ့တော့ လက်ဖက်ရည်ဆိုင်ကို ကျွန်တော်နဲ့ ကိုဂိုင်းမျိုး အတူထွက်လာခဲ့တယ်။ ဆိုင်ကိုရောက်တော့ အရင်ရောက်နှင့် နေသော ကိုစာအုပ်က ကိုဂိုင်းမျိုးကို စေ့စေ့စပ်စပ် ကြည့်ပြီး
စာ-“ကိုဂိုင်းမျိုး အကျီင်္ အသစ်ဝတ်ထားပုံထောက်တော့ မနေ့က ဒဂုံစင်တာသွား တယ်ထင်ပ၊ အဲဒီမှာ အင်္ကျီ ၀ယ် ပြီးတော့ အပြန်မှာ မျက်နှာချင်းဆိုင်က ချစ်တီးဆိုင်မှာ ဆိတ်သားနှပ်နဲ့ ထမင်းစားခဲ့သေး တယ် မဟုတ် လား။ အဲ ထမင်းဆိုင်ထဲ မ၀င်ခင်မှာ ရှေ့က စတိုးဆိုင်မှာ စီးကရက်တစ်ဗူးဝယ်သေးတယ်လေ။ စားပြီးတော့မှ ဗားကရာ လမ်းအတိုင်း လမ်းလျှောက် ပြန်လာခဲ့တာ ဟုတ်တယ်ဟုတ်”
ကိုစာအုပ်ရှေ့က စားပွဲပေါ်မှာ ကြည့်လိုက်တော့ ဆရာမင်းသိင်္ခ၏ ဆားပုလင်းနှင်းမောင် ၀တ္ထုစာအုပ်တစ် အုပ် တွေ့ရလေသည်။ ကိုဂိုင်းမျိုးက စာအုပ်ကို ကောက်ကိုင်လိုက်
ဂိုင်း-“ကလေးကလားတွေလုပ်နေပြန်ပြီလား ကိုစာအုပ်”
စာ-“ဘယ်ကကလေးကလားလဲဗျ ကျုပ်ပြောတာတွေမှန်တယ်မဟုတ်လား”
ဂိုင်း-“ခင်ဗျားက ယေဘူယျတွေပြောတာကိုဗျ မှန်မှာပေါ့ ကျုပ် အင်္ကျီအသစ် ၀တ်လာမှတော့ ၀ယ် ထား တယ် ဆိုတာ ခင်ဗျား သိမှာပေါ့။ ပြီးတော့ ကျုပ်က၀ယ်ရင်လည်း ဒဂုံစင်တာက သူငယ်ချင်း ဆိုင်မှာ ၀ယ် နေကျလေ။ ပြီးတော့ ဗားကရာလမ်း အတိုင်း လျှောက်ပြန်တယ်ဆိုတာလည်း ဗားကရာလမ်းမှာ ကျုပ်ငှား နေ ကျစာအုပ်ဆိုင်ရှိတယ်ဆိုတာ ခင်ဗျားသိနေလို့ပါ၊ ကျန်တာ တွေလည်း ခင်ဗျားကို ကျုပ်ပြောပြ ထားဖူး လို့သိတာပါ”
ကျွန်တော်က၀င်ပြောသည်။
ကျွန်တော်-“ဘာပဲဖြစ်ဖြစ် အားလုံးမှန်တယ်ဆိုတော့ တယ်ဟုတ်ပါလားဗျ ကိုစာအုပ်ရ”
စာ-“ဟုတ်ရမယ်လေ ဒါက စုံထောက်လို တွေးတတ်ဖို့လိုတယ်”
ဂိုင်း-“ကျုပ်ပြောတယ် ခင်ဗျားဟာတွေက ယေဘူယျပဲမှန်မယ် လက်တွေ့မှာ သုံးလို့ မရဘူး ကျုပ်ဖတ် ကြည့်သလောက်တော့ ရှားလော့ဟုန်း၊ မောင်စံရှား၊ ဆားပုလင်းနှင်းမောင် အကုန် အတူတူပဲ။ လက်တွေ့ မှာ သိပ်အသုံး မ၀င်ဘူး။ ကျုပ်က စာရေးဆရာ တွေကို ဝေဖန်တာ မဟုတ်ဘူးနော် တွေးပုံ တွေးနည်းကို ပြောတာ”
ကျွန်တော်ကကိုဂိုင်းမျိုးကို မေးကြည့်ရသည်။
ကျွန်တော်-“ဟုတ်လား ကိုဂိုင်းမျိုးရ ဘာလို့တုံး ရှင်းပါဦး”
ဂိုင်း-“သူတို့တွေးတာတွေက generally မှန်နိုင့်တဲ့ ဟာတွေပေါ်ကို မူတည်ပြီး တွေးတာဗျ။ ဥပမာဗျာ ဆားပုလင်း နှင်းမောင် ၀တ္ထုထဲမှာ ဖတ်ဖူးတယ်။ လူသတ်သမားက နံရံမှာစာရေးသွားတာ။ စာက ကြမ်းပြင်ကနေ ငါးပေလောက်မှာ ရှိတာဆိုတော့ လူသတ် သမားရဲ့ အရပ်က ငါးပေကျော်ကျော်ပဲ ရှိမယ်လို့ ဆိုသဗျ။ ဘာလို့လဲဆိုတော့ လူတွေက များသောအားဖြင့် စာရေးတဲ့ အချိန်မှာ မျက်လုံးနဲ့ တည့်တည့် ကိုပဲ ရေးတတ်ကြလို့တဲ့။ အဲဒီတော့ ယေဘူယျတော့ မှန်တာပေါ့ဗျာ။ ကျိန်းသေပြောဖို့တော့ ခက်ပြီ။ ကျွန်တော် လို ဆိုရင် မျက်လုံးနဲ့ တည့်တည့်မှာ ရေးချင်မှရေးမှာပေါ့။ နည်းနည်း မြှင့်ရေးချင်လည်း၊ နှိမ့် ရေးချင်လည်း ရေးမိမှာပဲ။ အဲဒါကြောင့် လူသတ်သမားရဲ့ အရပ်က ငါးပေကျော်ကျော်လို့ အတိအကျပြော လို့တော့ ဘယ် ရမှာလဲ”
ကိုစာအုပ်က လက်ဖက်ရည်တစ်ကျိုက်သောက်ပြီး
စာ-“ဟေ့ ဆားပုလင်းနှင်းမောင်က လူသတ်သမားကို စုံထောက်နေတာ လေ။ လူ့ဂွစာကို စုံထောက်တာ မဟုတ်ဘူး”
ဂိုင်း-“အဲလိုပြောလို့တော့ ဘယ်ရမလဲဗျ။ အားလုံး အတွက်မှန်ရမှာပေါ့။ လူက အမျိုးမျိုး ရှိတာကိုး”
စာ-“အဓိက ကယေဘူယျတွေ မှန်ဖို့လိုတာလေ။ အဲဒီကနေ ဆင့်ပွားပြီးမှ တွေးလို့ရမှာပေါ့ဗျ”
ဂိုင်း-“ကျုပ်ကတော့ သိပ်အလုပ်ဖြစ်တယ် မထင်ပေါင်၊ ကဲခင်ဗျားသိပ်တော်နေရင် ဟိုဒေါ်ကြီးမြကို ကြည့်ပြီး ပြောစမ်းဗျာ”
ကိုဂိုင်းမျိုးက ဆိုင်ရှေ့တွင် လက်ဖက်ရည်ဆိုင်ပိုင်ရှင် ကိုကြီးသိန်းနှင့် ရပ်စကားပြောနေသော ပွဲစားဦး သောင်း ၏ မိန်းမ ဒေါ်ကြီးမြကို မေးငေါ့ပြသည်။ ကိုစာအုပ်က မေးစေ့ကိုလက်ဖြင့်ပွတ်ပြီး သေချာစဉ်း စားဟန်ဖြင့်
စာ-“ အင်း ဈေးခြင်းထဲမှာ ကြက်ခြေထောက်နှစ်ချောင်းထွက်နေတယ်။ ပြီးတော့ ကြောင်လျှာသီးနှစ်တောင့် လဲတွေ့တယ်။ တန်တော့ သူ့ယောက်ျားပွဲစား ဒီရက်ပိုင်းအတွင်း ပွဲဖြစ်ပုံရတယ်။ ဘာလို့လဲဆိုတော့ ဒေါ်မြကြီးက အရင်ကဆိုဒီလို ရပ်စကား ပြောဖို့နေနေ ဈေးခြင်းကို ဖွက်ကိုင်ပြီး လမ်းဟိုဘက်က သုတ်သုတ် သွားတာ။ အခုတော့ ဟင်းကောင်း တွေဝယ်လာတာ ကြွားချင်လို့ ဒီဘက်ကို လာပြီး စကားမရှိ စကား ရှာ ပြော။ ပြီးတော့ ကြောင်လျှာသီးဆိုတာလည်း ပုံမှန် အစားအစာမဟုတ်ဘူး။ တစ်ခါတစ် လေတစ်ကူးတက စားတာလို့ပြောလို့ရတယ်။ အဲဒီတော့ တစ်နည်း မဟုတ်တနည်း အဆင်ပြေလို့ပဲရှိရမယ်။ အဆင်ပြေ စရာဆိုလို့လည်း သူ့ယောက်ျားပွဲဖြစ်လာတာ တစ်ခုပဲရှိတယ်။ ကဲမယုံရင် မေးကြည့်ဗျာ”
ကိုစာအုပ်က ကျွန်တော့်ကိုပြောသည်။ ကျွန်တော်လည်း ထုံးစံအတိုင်း သူတို့နှစ်ယောက် အငြင်းအခုံတွင် ဒိုင်လူကြီးလုပ်ရဦးမည်။ ဒေါ်ကြီးမြကိုအော် မေးလိုက်သည်။
“ဒေါ်ကြီးမြ ဦးလေးသောင်း ပွဲဖြစ်တယ်ထင်တယ်နော်”
ဒေါ်ကြီးမြမှာ ဘယ်အချိန်ကပြောချင်နေသည်မသိ ကိုကြီးသိန်းနှင့် စကားအမြန်ဖြတ်ပြီး ကျွန်တော်တို့ဝိုင်း ကိုလာထိုင်ကာ ရေပက် မ၀င် အောင်သူ့ယောက်ျား အဆင်ပြေနေသည့် အကြောင်းကို နာရီဝက်ခန့် ပြော သွားလေသည်။ မည်သူမျှ စကားဝင်ပြောဖို့ရာ အခွင့်မရခဲ့။ အားလုံး မျက်နှာတွေရှံ့မဲ့ပြီး သူကြွားသမျှ အင်းအဲ လိုက် နေရသည်မှာ ဘယ်လောက်ဆိုးဝါးကြောင်း ကိုကြုံဖူးသူများ သိပါလိမ့်မည်။ လုံးဝမသိတတ်။ တစ်ဖက်သားစိတ်မ၀င်စားမစားလည်း မသိ။ ကျွန်တော်တို့သုံးယောက်မှာ ကြက်ကြီးလည်လိမ်ထား သလိုဖြစ်နေလေ၏။ ဒီကနေ့ ကျွန်တော်တို့ ဆွေးနွေးနေသော စကားဝိုင်းလေးမှာ ဒေါ်ကြီးမြ၏ စကားသံအောက်တွင် ပျောက် ကွယ်သွား လေပြီ။ ကျွန်တော်တို့ တော်တော်ကို အီစလံဝေသွားသည်။ အားရအောင်ပြောပြီး သူထွက်သွားမှ သက်ပြင်း ချနိုင်ကြ လေသည်။
ဂိုင်း-“ဘယ်လိုလည်း စုံထောက်ကျော်ကြီးရ ဒေါ်ကြီးမြက အဲလိုလာပြောမယ်၊ ကျွန်တော်တို့ ဒုက္ခရောက်မယ်၊ ဆိုတာကျတော့ ခင်ဗျားရွှေဥာဏ်တော်က မသိပါလားဗျ”
ကိုစာအုပ်ကြီးမှာ ဘာမှ ဆက်မပြောနိုင်တော့ပဲနှင့် ဆားပုလင်းနှင်းမောင် စာအုပ်ကို သာ မျက်မှောင် ကြီးကြုတ်ပြီး ဖတ်နေ ပါတော့သည်။
မိုးတိမ်ညို
April,2009
2 comments:
ဒီပို့စ်ကို ဖတ်ပြီးတော့ ဟောဒီ ဟာသလေးကို သတိရမိတယ်။
Sherlock Holmes and Dr Watson go on a camping trip. After a good dinner and a bottle of wine, they retire for the night, and go to sleep.
Some hours later, Holmes wakes up and nudges his faithful friend. “Watson, look up at the sky and tell me what you see.”
“I see millions and millions of stars, Holmes” replies Watson.
“And what do you deduce from that?”
Watson ponders for a minute. “Well,
Astronomically, it tells me that there are millions of galaxies and potentially billions of planets.
Astrologically, I observe that Saturn is in Leo.
Horologically, I deduce that the time is approximately a quarter past three.
Meteorologically, I suspect that we will have a beautiful day tomorrow.
Theologically, I can see that God is all powerful, and that we are a small and insignificant part of the universe.
But what does it tell you, Holmes?”
Holmes is silent for a moment.
“Watson, you idiot!” he says. “Someone has stolen our tent!”
အရင်က တော့ ကြားဖူးတယ်ဗျ။ ဟုတ်တယ်ဟုတ်တယ်
Post a Comment